سوپاس بۆ گەلەکەمان بەهەمو چین و توێژەکانییەوە ، دەستخوشى و پێزانین بۆ بەرێز کاک نێچیرڤان بارزانى سەرۆکى حکومەتى هەرێمى کوردستان و کابینەکەى ، بڕیارەکانى ئیمروى حکومەتى هەرێمى کوردستان دەرەنجامى خەباتى لێبراوانەى ولاتپارێزى و خوراگرى گەل و حکومەتەکەى بوون ، کاک نێچیرڤان وەک پیاوى دەوڵەت کارى کردوو ڕاستگویانە ووتارەکانى ئاراستەى خەڵکى کوردستانى دەکرد ، دیارە بەپشتیوانى شێلگیرانەى جەنابی سەرۆک بارزانى پشت ئەستوربوو توانى لە ناچارى قورسترین بڕیارى نەخوازراوو سەپێنراو بدات و تەنگژە و دەرهاوێشتە چەند هۆکارەکەش ئیدارەبدات ، لە هەوڵى بێووچانیشدا بوو تا روژێک زووە ئازارەکانى خەڵک کەمبکاتەوە ، بۆیە هەمو هەوڵەکانى نامو نەیانتوانى زەفەر بە گەل و حکومەتەکەمان ببەن ، تا گەیشتە ئیمرو بریارە سەختەکە هەڵبوەشینرێت و ژیان و گوزەرانى کۆمەڵانى خەڵکى کوردستان و ئاستى خزمەتگوزارییەکان ببوژێنریتەوە .
لە لایەکى دیکەوە ، سەرەڕاى ئەو تەنگژە گەورەیە ، بەهاوکارى هەندێ سەرمایەدارى نیشتیمانپەرەوەرو کومپانیاى بیانى دوست و ئاسانکارى ئیدارى دامودەزگاکانى حکومەت ، توانرا چەندین پروژەى بنەرەتى جێبەجیێکرێن هەر بۆنمونە: (تونێلى زاخو ، تونێلى پیرمام ، جاددەى ١٢٠م ، پروژەى کارەباى خەبات ، شێلادزی و بازیان هتد ) . هەروەها ئەوەى قەت نابێ لە بیربکرێت دڵسوزى و پاپەندبوونى خەلکى کوردستانە بە پرنسیپە نەتەوەیی و نیشتیمانییەکانەوە ،کە چون لە ژێر بارە قورسەکەى ژیان و فشارە هەمە لایەنەکاندا ڕوویانکردە سەندوقى دەنگدان و بەرێژەیەکى پێوانەیی پروسەى ڕیفڕاندومى دیموکرت و سەرفرازى بەرەو کەنارەکانى سەرخستیان گەیاند و ئەو فەرمودەیەى ملاى جزیرى ، کە هەمیشە جەنابی سەرۆک بارزانى ئاماژەى پێدەکرد لە ووتارەکانى بانگەشەى ڕیفڕاندومدا پەسندبانکرد :

پشت نادین دوو هەزار خەنجەرو تیرو ڕم و خشت
مــە سەرێ دانییە ڕێ و ب خــــودێ بەستییە پشت