د دیروکا کوردان دا بدرێژی و پانی زور کێم و کورتی ھەنە و زور ژ وانا ھەتا نھا د گەل مە دژین لێ یا راست و رەوا ئەوە ئەم نەشێین دادگەھێن دیروکی دابنێین و کەسێ توھمەتبار بکەین. بەلێ ئەم دشێین ل سەر ئێک ژ وان کارەسات و کێم و کورتی و درزێن مەزنێن د دیروکا کوردان ھەی شروڤە بکەین و سەربوران ژێ وەربگرین.شکاندنا سەرکردێن کوردان ژ ئالیێ کوردان ڤە ب بژاردە و خەلکێ گشتی ڤە مودێلەکێ سیاسی و جڤاکی بویە و ھەردەمێ کەسەک د ناڤ کوردان دا دەرکەفت ببا ئێکەم ئاستەنگ کو دھاتە پێش ئەو بو د جڤاکی خو دا دھاتە شکاندن و دان پێدان پێ نەدھاتە کرن و زور جاران کورد بوینە فاکتەرێ سەرەکی بو شکاندنا کارێزمایێن سیاسی و نەتەوەی ل دیروکێ دا .
نێچیرڤان بارزانی ئێکە ژ وان سەرکردێن کورد کو ھەتا نھا زور جاران کەفتیە بەر رەخنە و ھێرش و توھمەت و شکاندنا نافخوی ھەتا ئەڤرو ژی بەردەوامە. د ڤێ گوتارێ دا زور ل سەر کار و کریارێن حکومەتێ و کەسێ نێچیرڤان بارزانی زور ناچم ژبەرکو حکومرانی بێ کێماسی نینە و نەبوینە بەلێ جوداھی د رێژا کێم و کاسیان دا ھەیە و حکومەتا نێچیرڤان بارزانی ھندە سالانە خوەدی خزمەت و کارەک ھەژی بەحس کرنێ بوینە و دەھان کێماسی ژی ھەبوینە و ھەتا نھا ژی بەردەوامن کو زورەک ژ وان فەرە ب زیترین دەم بێنە ناڤ برن و چاکسازی بەردەوام بیت و ئەوێن ب نانێ گەندەلیێ د خون بێنە لادان و کەسێن ھەژی بچنە پوستێن ھەژی و بریارا چاکسازیێ بێتە دان .
ئەو دوو پرسێن کو نێچیرڤان بارزانی تێدا ھەتا رادەیەکێ باش سەرکەفت و شیا گەمیا ھەرێمێ ب کنارێن ئارامیێ بگەھینیت :
(سەرکەفتنا دبلوماسی)
کورد زور جارا بویە قوربانیێ نەبونا دبلوماسیەتەکا سەرکەفتی , دئێتە گوتن کورد ب دەھان سالان شەری و بەرخودانێ دکەن ب چەند دەمژمێران ل سەر مێزا دانوستاندنێ ژ دەست ددەن !پشتی ریدانێن شازدێ ئوکتوبەرێ و ئەو رەوشا خرابا ب سەرێ کوردستانێ ھاتی کون مشک ببو قەیسەری , بەلێ نێچیرڤان بارزانی د وێ قوناغێ دا ب باشترین شێواز ئیدارا ھەرێما کوردستانێ کر و بەردەوام داخازا دانوستاندنێ کر و نەھێلا ھیڤیێن وان کەس و ئالی و وەلاتان بجە بێن ئەوێن دڤیا شەر بەردەوام بیت و کوردستان وەک کیانەک سیاسی و دەستوری ژ نافبچیت.ئەو سیاسەتا دبلوماسیا سەرکەفتی بی شیا ھەمی وەلاتێن بوینە دوژمن ئاراستێ سیاسەتا خو بەرەف ھەولێر بگوھرن و دانپێدانێ ب ژیواری بکەن و کوردستانێ ژی قەبیل بکەن .
(قەیرانا دارایی )
حکومەتا ھەرێما کوردستانێ ل سالا ٢٠١٤ریبریێ توندترین قەیرانا دارایی بو , ئەو ژی ب ئەگەرێ قوتکرنا پشکا کوردستانێ ل بودجێ عیراقێ و ھاتنا دوو ملیون ئاوارەیان و شەرێ داعشێ و داکەفتنا بھایێ نەفتێ و ئیدارەدانا خراب و گەندەلی و ھەبونا رێژەیەکا زور فەرمانبەران و نەبونا پلانەکا ستراتیجی بو بنیاتنا ئابورەکێ بھێز و نەپاراستنا بەرھەمێن نافخوی و پشت بەستن ب ئێک داھات ئەو ژی نەفتە..تد. ئەڤان ئەگەران وەکر کو کوردستان بکەڤیتە رەوشەک خراب دا , رولێ نێچیرڤان بارزانی د ڤێ قوناغێ دا زور گرنگ بو وەکی دئێتە گوتن (المێائب تتولا) ئانکو کریز دیف ئێک دئێن , حکومەتا ھەرێما کوردستانێ بریار دا ل سالا ٢٠١٦ ب پاشەکەفت کرنا رێژەیەک ژ موچێ فەرمانبەران , ھەرچەند بریارەک گران بو لێ بو بەردەوامی دان ب ژیێ حکومەتا ھەرێمێ و پاراستنا کیانێ کوردستانێ ئەڤ بریارا دەرکر ھەر چەندە بریارەک نەبو جھێ رازیبونا حکومەتێ بیت , بەلکو بریارەک دەمکی بو و بو دەربازکرنا کریزا دارایی بو . نێچیرڤان بارزانی ھەردەم دگوت دێ ئەڤ رەوشە ب داوی ئێت و موچەکەتان نافەوتێت . ل داویێ بارزانی سوزا خوە بجە ئینا و بریارا پاشکەفتکرنا موچەی لادا و دیار کر ھەمی پێکولا دێ کەین بو دووبارە ڤەگەراندنا مافێن فەرمانبەران پشتی دانوستاندنێ دگەل بەغدا.
شکاندن ئێک دوو دناڤ کوردان دا دیروکەک دیر و درێژ ھەیە تایبەتی شکاندنا سەرکردێن کوردان و ئەڤێ چەندێ زیانەک مەزن ب رول و پێگەھێ کوردان گەھاندیە ل قوناغێن جودا جوداێن دیروکێ.نێچیرڤان بارزانی ژ وان سەرکردێن جودا بو ل قوناغەکا زورا سەخت شیا ئیدارا ھەرێما کوردستانێ بکەن و رولەکێ مەزن دیت , تایبەتی د بابەتێن دبلوماسیەتێ و دەربازکرنا کریزا دارایی ھەر چەندە رەوش زور نەخوش و ئالوز بو لێ ب پشتەڤانیا خودایێ مەزن و پشتی ھنگی بێنفرەیی و پشتەڤانیا گەلێ کوردستانێ ڤێ گەمیا پری ھیڤیێن گەلەکێ ستەم دیتی بگەھینیتە کنارێن ئارام . کو ھیڤیا ھەمی وەلاتیەکێ ڤی وەلاتی ئەوە کاروانێ چاکسازی و سەرکەفتنێ بەردەوام بیت .