پارتی دیموکراتی کوردستانێ بەربژێرێن خوە بو پۆستێ سەرۆکێ ھەرێما کوردستانێ و سەرۆکێ حکومەتا کوردستانێ بو چار سالێن داھاتی ئێکلایی کرەڤە ، نێچیرڤان بارزانی بو سەرۆکێ ھەرێما کوردستانێ و مەسروور بارزانی بو سەرۆکێ حکومەتێ ھاتنە بەربژێرکرن .
ئەڤرو رۆژا دوو شەمبیێ رێکەفتێ (٣_١٢_٢٠١٨) ێ ب بریارا ئەنجوومەنێ سەرکردایەتیا پارتی نێچیرڤان بارزانی بو سەرۆکێ ھەرێما کوردستانێ و مەسروور بارزانی بو سەرۆکێ حکومەتا ھەرێما کوردستانێ ھاتنە بەربژێر کرن و ھەلبژارتن .
ب راستی پێدڤیە بێژم کو دڤێت ئەم خەلکێ ھەرێمێ ھەمی دلخوش بین ب ڤان ھەردوو گەنجان دێ کوردستان زێدەتر بەرەڤ ئاڤەدانی و پێشکەفتنێ ڤە چیت من باوەرییەکا سەد ژ سەدێ یا ب ڤان ھەردوو بەرێزان ھەی کو دێ باشترین رەنگ خزمەتا وەلاتی و مللەتێ کورد کەن بێ راوەستان و بێ جوداھی چونکێ قوتابیێن دەستی مەرجەعێ کورد و کوردایەتیێ نە بەرێز ( مسعوود بارزانی ) سەرۆکێ ھەرێما کوردستانێ و دێ لبن سێبەرا بارزانی خزمەتا ھەرێمێ کەن ، لەوما د بێژم پێدڤیە ھەست ب خوشی و بەختەوەریێ بکەین باوەریا مە زێدەتر لێ بھێت ب تایبەتی ب پارتی دیموکراتی کوردستانێ .
پارتی دیموکراتی کوردستان یا د گوھرانکاریێن بەردەوام دا بێ راوەستان بەس ڤێ جارێ ئەگەر ھەوە تەخمینا خوە باش تێدا کربیت ڤێ جارێ پارتی بەرنامەکێ نوی و سەرکەفتیانە یێ ب کار ئینا ی ھەمی دەمان بەرنامێن پارتی بێ وێنە بووینە .
لێ بەلێ ڤێجارێ پارتی دیموکراتی کوردستانێ گرنگیەکا گەلەکا ب تەخا گەنجان دای و ھەتا ل بەربژێرێن پەرلەمانی کوردستانێ و نھا ژی بەربژێرێن سەرۆکێ ھەرێما کوردستانێ و حکومەتا ھەرێما کوردستانێ ژی ھەر گەنجن .
سیاسەتا پارتی گەلەکا بھێزە ئەو دزانیت کا گەنج پاشەرۆژا مللەتی ئاڤادکەن و بناغەیێ ھەر دەولەتەکا بھێز و پێشکەفتی و خودان ئیرادە و سیاسەتەکا عادیلانە و ئابوورییەکێ باش یێ لسەر گەنجان ھاتیە ئاڤاکرن .

ئەڤرو دەربارەی ئامانجا کارکرنا چار سالێن داھاتیێن حکومەتێ ھاتە راگەھاندن : کو سەقامگیریێ و حکومرانیا سەرتاسەری و پێکڤەکارکرن دێبنە ئارمانجێن ڤان چار سالێن حکومەتا ھەرێما کوردستانێ .بۆ ڤێ مەبەستێ ژی پێدڤیا ب ھندێ ھەی کو کەش و ھەواییەکێ گونجایی چێ بکەن .
ھەروەسا باشترکرنا بژێوا ژیانا ھاونشتیمانیان پشکەکا دی بی ژ بابەتێ گەنگەشەیا ئەڤرویا ئەنجوومەنێ سەرکردایەتیا پارتی ، د کومبوونێ ژی دا بریارا ھاتە دان لسەر ھندێ کو دگەل ئالیێن دی ژی کاربکەن بو ب دەستڤەئینانا سەقامگیریێ و باشکرنا ژیانا خەلکی ، ژ ئالیەکێ دیڤە بو ھندێ کو بشێن دئاسێ ڤێ قوناغا گرنگ دابن کو روویدانێن ئێکجاری یێن گەلەکێن گرنگ و مەزن روویدابین یان روویبدەن ، ژبەر ھندێ مە پێدڤیا ب ھندك گوھرانکاریێن ناڤخویی یا ھەی .

پارتی دیموکراتی کوردستانێ کو ب بدەستڤەئینانا (٤٥) کورسیێن پەرلەمانێ کوردستانێ وەکی ئاستێ ئێکەم بریارە شاندەکێ پێک بینیت و سەردانا ئالییان بکەت بو پێکئینانا حکومەتێ .

_ پرۆفایلێ نێچیرڤان ئیدریس مستەفا بارزانی :-

_ ل ٢١ ێ ئەیلوونا ١٩٦٦ ێ ل بارزان یێ ژ دایك بووی.
_ سەرۆك وەزیرێ ھەرێما کوردستانێ و جێگرێ سەرۆکێ پارتی دیموکراتی کوردستانێ یە .
_ل ١٩٧٥ دگەل مالباتا خوەدا ئاوارەیێ ئیرانێ بین .
_ دەرچوویێ پشکا زانستێن سیاسیە ل تەھرانێ .
_ ل ١٩٨٩ یێ بیە ئەندامێ مەکتەبا سیاسی یا پارتی .
_ ل ١٩٩٦ یێ بیە جێگرێ سەرۆك وەزیرێ ھەرێما کوردستانێ .
_ ل ١٩٩٩ یێ بیە سەرۆك وەزیران ( کابینا چارێ).
_ ل ٢٠٠٦ یێ بیە سەرۆك وەزیرانێ ( کابینا ئێکگرتنێ ).
_ ل ٢٠١١ بۆ ٢٠١٣ ێ جارەکا دی ژی بو سەرۆك وەزیران .
_ ل ٢٠١٣ ێ جارەکا دیکەژی پۆستێ سەرۆك وەزیرانیێ داڤێ ھەتاکو ٢٠١٨.
_ ٣_١٢_٢٠١٨ ێ کرە بەربژێرێ پارتی دیموکراتی کوردستانێ بو پۆستێ سەرۆکێ ھەرێما کوردستانێ .


__ پرۆفایلێ مەسروور مەسعود مستەفا بارزانی :-

_ ژ دایکبوویێ سالا ١٩٦٩ ێ یە .
_ ئەندامێ مەکتەبا سیاسیا پارتی دیموکراتی کوردستانێ یە.
_ ل سالا ١٩٨٥ یێ بیە پێشمەرگە .
_ خویندنا دواناوەندیێ ل ئیرانی یا تەمامکری .
_ بەکالۆریوسا ل زانکۆیا واشنتن ل سیاسەتا نێڤ دەولەتی ب دەستڤەئینایی .
_ ل ٢٠٠٥ ێ رێکخراوا خێرخازییا بارزانی یا دەمەزراندی .
_ ل ١٩٩٩ یێ بیە ئەندامێ مەکتەبا سیاسیا پارتی .
_ سالا ٢٠١٢ یێ بیە شیرەتکارێ ئەنجوومەنێ ئاسایشا ھەرێما کوردستانێ .
_ زمانێن فارسی ، عەرەبی و ئینگلیزی دزانیت .
_٣_١٢_٢٠١٨ ێ کرە بەربژێرێ پارتی دیموکراتی کوردستانێ بو پوستێ سەرۆك وەزیرێ ھەرێما کوردستانێ .

راستی ژی ئەڤ ھەردوو گەنجێن ژێھاتی بەرێز نێچیرڤان بارزانی و بەرێز مەسروور بارزانی ھەژی ڤان پوستانە ، دوو سەرکردەیێن تەژی ھیڤی و ئۆمێد ، ھەلگرێن ھزرو بیرێن دەولەتبوونێ و موئەسساتێن دژی گەندەلیێ و خودان بروانامە و کەسێن دلسوز و خەمخورێن مللەتێ کوردن ب زاناییانە و دەست پاکی دێ رولێ خوە بینن .

پێدڤیە بێژم ( پارتیەکا ب ھێز ئانکۆ کوردستانەکا بھێز ).
پێنگاڤ ب پێنگاڤ دێ بەرەڤ کوردستانەکا بھێزتر و ئارامتر و خوشگوزەران تر و زێدەتر و پێنگاڤێن مەزنتر ژی دێ ھاڤێژین .
ھیڤیدارم ژی بارێ سەرملێن سەروکێ من مسعود بارزانی سڤك بکەن مەرجەعێ کوردایەتیێ و ب توندی ل دژێ وان راوەستن ئەڤێن ھەولێن دووبەرەکیێ ددەن ناڤبەینا ھەوەدا .