(بـارزانـی ئاندازیارێ پرۆسەیا بنیادنانەڤا پەیوەندیانە )
December 5, 2018
وتار و بیروڕا
![(بـارزانـی ئاندازیارێ پرۆسەیا بنیادنانەڤا پەیوەندیانە )](https://gulanmedia.com/public/old_images/nusaran/DLOOOBAVAAN.jpg )
دڤێ سەردانێ دا و شێوازێ پێشوازی کرنا مەرجەعێ کوردان دیاربوو بێ بارزانی ھەرێما کوردستانێ ب تایبەتی و کۆمارا عیراقێ ب گشتی ب رێڤە ناچیت و ل ئاریشان قورتال نابیتن .
یاسەیر دڤێرە دا ئەوە کو بەری سالەکێ حکومەتا عیراقێ داوا دادگەکرنا سەروك بارزانی دکر ب ئەگەر ھندێ کو داوا سەرخەبوونا مللەتێ کوردا کری ریفراندوم ئەنجام دا ب سەرکە فیتن .
ئەڤرو ژی سەروك وەزیرێن عیراقێ دخۆشیێن ئامادەبوونا بارزانی باوەرنەدکر .
ھەروەسا سەروك وەزیرێ عیراقێ (عادل عەبدلمەھدی ) : بارزانی ب ئەندازیارێ عیراقا فیدرال و دیموکراسیەتێ ب ناڤکر و راگەھاند و گوت :- دێ ھەمی ئاریشەیێن ھەولێر و بەغدایێ چارەسەرکەین .
بێگومان ھەر جھەکێ بارزانی بچیتێ دێ ئاڤەدان بیت و چ ئاریشە نامینن .
ھەروەسا سەروك و وەزیرانێ عیراقێ سەردانا سەروك بارزانی ب دیروکی ناڤکر و گوت ژی بارزانی ئەندازیارێ عیراقا نۆی و فیدرال و دیموکراسیێ یە ، بەریا نھا پەیوەندیێن ھەولێر و بەغدا ھاتینە تێکدان و ھندەك کەس ھەبووینە کو مەرەما وان تێکدانا رەوشێ بوویە ، لێ ب پشتەڤانیا بارزانی دێ ھەمی ئاریشەیێن ھەولێر و بەغدایێ چارەسەرکەین و پەیوەندیان دێ دێ ڤەگەرینەڤە بو رەوشا ئاسایی .
مە خەلکێ کوردستانێ باوەرییەکا گەلەکا مکوم و تەماما ب سەروكێ خوە ھەی ، ھەتا سەروكێ مە نەچیتە بەغدا کەس باسێ مافێ کوردان ناکەت ، ھەتا ئەو دەمێ مافێن کوردستانێ ل وێرێ بن ، دڤێت سەروك بچیت و گەنگەشە و شەرێ وەرگرتنا ماف و مانەڤا دەستکەفتیێن مللەتێ کورد بکەت ، ھەروەسا بەغدا ژی بو چ جاش و خوفروش و کەسێن بێ قیمەت ب جێھناھێلین .
ھندی لبیرا من دھێت و دھێتە باسکرن ھەمی دەمان سەروكێ مە کوردان کارێ کری بو بدەستڤەئینانا دەستکەفتیێن کوردان و ژ ھەولدان و پێکولکرنێ رانەوەستایە ئارمانجا بارزانی خزمەتکرن و پێش ئێخستنا کوردستانێ بویە و ئازادی و سەرخەبوونا ھەرێما کوردستانێ کارێ سەرەکیێ بارزانی نە .
بو مەبەستا نیازپاکی و رازیکرنا مەرجەعێ کوردان سەروك بارزانی کو بچیتە ڤێ سەفەرا بەغدا ، ئەنجوومەنێ نوێنەرێن عیراقێ ب یاسایەکێ تەمامیا وان بریاران ھەلدوەشینیتەڤە ئەڤێن عەبادی ل دژێ کوردان دەرکری . لێ ئەڤە ئێکەم دەستکەفتیا ڤێ سەردانێ یە ، پشتی ڤێ چەندێ کو ھەلبژاردنان دوماھیك ب ژیانا سیاسیا ئەڤانە ئینا کو پەنجا ھەرەشێ ل کوردان دھەژاند .
ئەڤرو ژی دێ دوماھیکێ ب بریارێن وا ئینیت لسەر دەستێ سەروك و پێشمەرگێ کورد و کوردستانێ لەوما ئەڤا روون و ئاشکرایە کو پێنگاڤێن جەنابێ سەروك بو سەر ئێخستنا ریفراندوم و ب ئەنجام گەھاندنا وێ یە ، دەرئەنجاما ڤان پێنگاڤا ژی زور د روون و ئاشکرانە و دێ دماوەیەکێ کێمدا ئەم ھەمی بخوەبینین .
(عادل عەبدلمەھدی ) سەروك وەزیرانێ عیراقێ بو رێبەرێ نەتەوا کورد سەروك بارزانی دبێژیت :- بارزانی ئەندازیارێ پرۆسەیا بنیادنانەڤا پەیوەندیان بوویە ، نەك ب تنێ ل عیراقێ بەلکو ل ڤێ ناوچەیێ و ھەمی جیھانێشدا .
و دبێژیت ژی شەرەفمەندین ب سەردانا بەرێز مسعوود بارزانی بو بەغدا بارزانی مەزنترە ژ ھندێ کو پێناسا وی بکەین ، ئەو خەباتکارەکێ دێرینە ،ھەتا چیایێن کوردستانێ ژی بارزانی باش دناسن ، کو سەرکردایەتیا پرۆسەیا گوھرانکاری و بەرەڤ دیموکراسی بوونێ ل عیراقێ دکر بو ژناڤبرن و ھەرفاندنا دکتاتوریەتێ .
سەروك بارزانی خەبات و خزمەتا ل پێناڤ گەلێ عیراقێ و گەلێ کوردستانێ یا کری .
دگوت ژی مە پێشوازیا ل رێبەرەکێ مەزن کری ، ئەو کەسەکە ھەمی سیفەتێن سەرکردا یێن تێدا رێزەکا زورا ھەی .
ب راستی دڤێت ئەم ھەمی کورد ل ھەر جھەکێ جیھانێ بین خوە سەربلند ببینین کو بارزانی سەروكێ مەیە و شانازیێ پێ ببەین .