ل سەد سالێن عیراقا بەری ٢٠٠٣ چ پرەنسیپەک ل حوکمرانیا بەغدا دا نەبو کو ھەمی پێکھاتان بێ جوداھیێن نەتەوەی و ئولی و مەزھەبی قەبول بکەت و ئەوێ بھێز یێ دی دخار وەکی یاسایا دارستانێ بو . بەلێ پشتی کو عیراقا نوی ھاتیە ئاڤاکرن پرنسیپێ ھەری گرنگ و ستوینا ئاڤاکرن و پێشکەفتن و پاراستنا وەلاتی ل سەر تەوافقێ ھاتە دانان بو ھندێ ئەو شاشی و کریزێن ژییەک سەد سالی ھەی بێنە چارەسەر کرن . لێ ئەوا دەمێ پازدە سالێن چوی دیار ھەر ھەمان لوژیک بو کو حوکمرانیا بەغدا دکر و عیراق ریبریێ دەھان کریزان کرەڤە , ھەرفینا ئێک جارەکی چاڤەرێ دکەت ئەگەر ب ڤی ئاوای بچیت و کار بو چارەسەریا ئێک جارەکی نەئێتەکرن! نھا ب ھاتنە پێشا عادل عبدالمھدی چاڤەرێ دئێتەکرن کو ئەڤ کریزە بێنە چارەسەرکرن ھەتا رادەکێ باش .
پرەنسیپێ تەوافقێ ل کوردستانێ د ناڤبەرا ھێزێن کوردی دا و ل بەغدا ژی دا ھەر ھەمان کار ھاتیە کرن بو پاراستنا ناڤ مالا کوردی , ژبەرکو مرنا کوردان ل نەبونا تەوافقێ دابویە و سەرکەفتنا وان ژی ل ئێک رێزیێ دا بویە . ھەردوو پارتێن دەسەلاتدار پارتی دیموکراتی کوردستان و ئێکەتی نیشتیمانی کوردستان وەک دوو پارت ب بو دەمێ چەندین سالە حوکمران بێ گوھدانا سەنگا ئێک دوو ب پرەنسیپێ تەوافقێ کار کریە ئانکو (فیفیتی فیفیتی ) . جێگرێ سەروکێ پارتی نێچیرڤان بارزانی بەحس ژ ڤێ خالێ کر کو ئەوێن بوینە فاکتەرێ تێکدانا ئێک رێزیێ ئەو بەرپرسیاریا ڤێ رەوشێ وەردگرن ھەروەسا ب ھیچ ئاوایەکێ یا رەوانیە کو ل کوردستانێ نیڤ ب نیڤ بیت و ل بەغدا ب کورسی و دەنگدان و سەفقێن گومانا وی بیت ل سەر حسێبا خانەنشینیان ماموستایەکێ ! ئەڤ چەندە وەک روژا روون یا ئاشکرایە چ ئالیەکێ سیاسی ب ڤێ چەندێ رازینیە .
ئەو سەرەدەریا نە بەرپرسیارانە ئەوا ئێکەتیێ کری ل بەغدا سەبارەت ب دەست ڤە ئینانا پوستێ سەروک کوماریێ بدیتنا من جھێ مەترسیێ و ئەڤ چەندە ژی ب روونی ل گوتارا کاک نێچیرڤانی دا دیار بو دەمێ بەحس ژ مەترسیا ڤی نەریتی کر و دەنگ دانا پێکھاتەکێ دیتر ل سەر بەھرا کوردان ل پلە و پوست و مافان , ژبەرکو ھەتا نھا ھەڤپەیمانیا کوردستانی ئەڤ پرسە ئێک لا دکر د نھا دا مەترسیا ڤی پوستی ل سەر کوردان ھەیە و د پاشەروژەێ دا کوتلێن پەرلەمانی ل شیعە و سوننەیان دشێن کەسەکێ لاواز و بێ پشتەڤانی و ھەتا وەکی جاشێن بەرێ دژە کوردان بینن و ب نونەرێ پێکھاتەیێ کوردی دیار بکەن و دیف یاسایێ و ئەو عورفێ نھا ئێکەتیێ و بەرھەمی بەرھەم ئینای تشتەک رەوایە ؟؟!!
دەمێ نێچیرڤان بارزانی ل سەر پوستێ سەروک کوماریێ د ئاخفت ھەمی تشتێ ل گوتارا وی دا دیار بو ھندێ بو ئێک رێزیی بێتە پاراستن ل ناڤبەرا کوردان دا تایبەتی پارتی و ئێکەتی ژ بەرکو مەزنترین پارتێن دەسەلاتدارن ل کوردستانێ . ب دیتنا من ل پشتی دیار بونا ئەنجامێن داویێ یێن ھەلبژاردنان دێ پتر رەوش رونتر بیت و ھەر ئالیەک سەنگا خو باش دزانیت , ئێکەتیی ژی وەک حزبەک مەزن باش ل پێش چاڤە ئەوا ل بەغدا ھاتیە کرن فەرە بێتە بەرچاڤ و ھەر ئێک سەنگا خو و دەنگدەری سەنگا ھەمی ئالیەکێ دیار کریە .
ل گوتارا نێچیرڤان بارزانی دا دیار بو :
- کار کرن ب جدی بو پاراستنا رەوشا ئێمناھیێ ل کوردستانێ.
- رێزگرتن ل سەنگا ئێک و دوو و رازیبون ب وێ چەندێ کو دەنگدەران ب ئالیێن سیاسی دای و ئەڤ چەندە ل حکومەتا داھاتی دا دێ دیار بیت .
- دیرکەفتن ل ھزرا دوو ئیدارییێ کو بیە خەونا ھندەک ژ خوەدی ھزرێن ژەنگی و جاش و تێکدەرا .
- ھەبونا پەیوەندیەکا موکم ل گەل بەغدا , تایبەت ل سەر دەمێ عادل عبدالمھدی .
- کارکرن بو وەرگرتنا پوستێ سەروک کوماریێ ژ بال پارتی ڤە بو ھندێ بو کو ئەڤ پوستێ نەھاتیە بکار ئینان بو پاراستنا بەرژەوەندیا کوردان و چارەسەرکرنا کریزێن ناڤبەرا ھەولێر و بەغدا دووبارە بکەڤیتە کار و مفا ل ڤی ئیستیحقاقا کوردان بێتە وەرگرتن .