"ســیــاســەت و دیـــانــەت "
September 14, 2018
وتار و بیروڕا
![](https://gulanmedia.com/public/old_images/nusaran/DLOOOBAVAAN.jpg )
_ ل ھەڕێما کۆردستانێ ب تایبەتی و ل رۆژھەلاتا ناڤین "شرق الأوسط "ب گشتی بچیە ھەر مجلسەکێ یان ژی دەف ئێك یان ژی ھندەك ژ ھەڤالان یان ژی ھەر جھەکێ دی کۆ بۆنەوەرێن ب ناڤێ مڕۆڤ لێ بن .
بەس باسێ دوو تشتا دھێتە کرن :-
١_ ســیــاســەت .
٢_ دیـــانــەت .
_ ب بۆ چوونا من ئەڤ ھەردوو بابەتە د تایبەتن و ب کەسایەتیا مڕۆڤی ڤە دگرێداینە ؟
لێ مخابن ئەڤە دناڤ خەلکێ کۆردستانێ و رۆژھەلاتا ناڤین " شرق الأوسط " دا یا بۆیە داب و نەریت ، ھەتا وی ڕادەی کۆ ل دەسپێکا ھەڤنیاسینا دوو کەسان دا ئەڤ دوو پسیارە ل دەسپێکێ دھێنە کرن ئەو ژی :-
_ ئـەرێ تـۆ لایـەنـگـیـرێ کـێـش پـارتـا سـیـاسـی ؟
_ ئـەرێ بـیـروبـاوەرێـن تـە چـنـە ؟ تـۆ ل سـەر چ ئـایـنـی ؟
ھندی ئەم ب دیڤ ڤان تشتان ڤە بین چجارا ئەم پێش ناکەڤین و چجارا ئەم د وەلاتەکێ دا و دبن سێبەرا ئێك ئالا دا ناژین .
ئەڤ چەندەیە بۆیە ئەگەرێ پەیدابوونا لاوازیا ھزری و بێھێزیا پێشڤەچوونان ل رۆژھەلاتا ناڤین .
ئەگەر ئەم ب درستی تەماشایێ وەلاتێن ئەورۆپی بکەین ، پاشی تەماشای رۆژھەلاتا ناڤین بکەین دێ بۆمە دیاربیت کا ئەو چەندێن پێش مەدا و چەندێن پێشکەفتی .
بەرۆڤاژی وان ئەم چەندێن ڤەمای و دناڤ پاشکەفتنا خۆدا ئەمێت نقووم بووی .
راستە دڤێت ئەڤ ھەردوو تشتە ل دەف مڕۆڤی ھەبن سیاسەت و دیانەت :-
ســیــاســەت :- یەعنی نێزیك بوون ژ چاکیێ و دووربوون ژ خراپیێ ، سیاسەت ھۆنەرێ ب ڕێڤەبرنا وەلاتی یە لسەر بنەمایەکێ راست و درست کۆ د بەرژەوەندیا گشتی دابیت .
دیـــانــەت :- ئەوە کۆ مرۆڤ پێ نێزیکێ خۆدێ بیت و ڕێکا خۆدێ پێ بناسیت ، مرۆڤی بەرەڤ باشیێ و میھرەبانیێ ڤە دبەت زۆرێ پیرۆزە و یێ گرێدایی یە ب کەسی خۆڤە دناخێ مرۆڤی دا شۆل دکەت و شین دبیت .
لێ بەلێ ھەتا نھا ژی خەلکێ مە ب درستاھی دڤان ھەردوو بابەتان نەگەھشتینە و ب درستاھی لێك نا دەنەڤە ، ھەر لایەنێ نەڕینی دگرن و چجاران ئەڕینی نەبوونە .
_ ئەرێ بۆچی ئەم خەلکێ ھەڕێما کۆردستانێ ب تایبەتی و رۆژھەلاتا ناڤین " شرق الأوسط " ب گشتی ئەم ناھێین ل جیاتی ڤان ھەردوو تشتێن ب مرۆڤی ڤە گرێدایی ، باسێ بابەتێن ڕوشەنبیری و زانین و پێشکەفتنا و داھێنانێت نۆی بکەین .
دا بشێین خۆ وەك کەس پێبگەھینین و وەلاتێ خۆ دەولەتا خۆ بەرەڤ پێشڤە ببەین وەکی ھەر دەولەتەکا دیا ئەورۆپی .
ئەرێ ماچیێ ژمە کێمە مەژی وەکی وان دوو دەست و دوو چاڤ و دوو پێ نینە کۆ بشێن ببینین و کاربکەین و لسەر پێت خۆ راوەستین .
بێگومان ئەم ژی وەکی وان مرۆڤین ، لێ بەلێ ھزرو بیرو بۆچوونێت مە دگەل ھزرو بیرو بۆچوونێت وان زۆر زۆر د جودانە .
لەوما دڤێت ئەم دەستپێکێ ل خۆ دەست پێ بکەین ، خۆ چێکەین مرۆڤایەتیێ و ئێکدی قبوول کرنی بکەینە پیڤەرێ سەرەکیێ ژیانا خۆ ، چاڤێت خۆ ڤەکەین دا بشێین جیھانێ ب روونی ببینین د ژیانێ بگەھین ، ب دلەکێ مەزن ھەمی کەسان قبول بکەین لسەر بنەمایێ مرۆڤایەتیێ و ئێکگرتنێ بێ جۆداھیا دین و نەتەوە و ھەر تشتەکێ دی.
بلا ھەردەم ل بیرا وەبیت کۆ " ھــەڤــالــیــنـی و بــرایــنــی ل ھــەمــی تــشــتــا پــیــرۆز تــــر و ب قــەدر تــرن بـــەس کــۆ ل ســەر بـنـاغــەیــەکــێ راســــت و درســـت بـــن ".