ھەلبژارتن وەک بنەمایێ سەرەکیێ سیستەمێ دیموکراسیێ دھێتە ھژمارتن ، بزاڤا رزگاریخوازیا کوردستانی ژی لسەلا بنەمایێ دیموکراسیێ ھاتیە دامەزراندن ، پارتی دیموکراتی کوردستان وەک رێبەرا ڤێ بزاڤێ لسەر بنەمایێ سیستەمێ دیموکراسیێ ھاتیە دامەزراندن و بۆ گەھشتن ب ماف و ئارمانجێن نەتەوی و نشتیمانی ئەف رێکە گرتیە و دکاودانێن گۆنجایی دا ، پراکتیزە کریە . سازیێن وێ ژی درێکا ھەلبژارتنان بوویە . پشتی سەرھەلدانا پیرۆزا گەلێ کورد ل سالا ١٩٩١ و پاشان دامەزراندنا پەرلەمان و حکومەتا ھەرێما کوردستانێ و سازیێن دیتر ب پێشنیار و داکۆکیێن پارتی ب رێکا ھەلبژارتنان بوویە . دەسھەلاتدایا ھەرێما کوردستانێ بوویە نمۆنێن دیموکراسیێ ل دەڤەرێ ، نھو ژی ھەلبژارتن بۆ خەلکێ کوردستانێ بوویە داب و نەریت .
پشتی بوورینا چەند ھەیڤەکا ل ھەلبژارتنێن گشتی یێن عیراقێ جارەکا دی ھەرێما کوردستانێ بەرھەڤیێن ھەلبژارتنێن گشتی یێن پەرلەمانێ کوردستانێ دکەت ، ڕەنکە خەلکەک و ھندەک ئالیێن سیاسی یێن کوردستانێ ژ ترسا رەفتار و سەرەدەریێن خۆ یێن نە نەتەوی و دژی بەرژەوەندێن گشتی یێن خەلکێ کوردستانێ ، بەھانەیان بۆ ڤان ھەلبژارتنان ببینیت و دیار بکەت خەلکێ کوردستانێ پێڤە ماندی بوو و پێتڤی یە بھێنە پاش ئێخستن .
ھەر ئەڤ حزب و لایەنە بوون زۆر جاران پارتی دیموکراتی کوردستان ب پارتیەکا نە دیموکراسی و بنەمالەیی و خۆ سەپێنەر ھژمار دکر و خۆ ب نمۆنێن حزبێن دیموکراتخواز ھژمار دکر ، ئەڤرۆ بەھانە و ئاستەنگانان بۆ ڤێ پرۆسا پێتڤی ڤەدبینن و درۆست دکەن . ئەز باوەرم ئەگەر پارتی بریار و پێشنیارا پاشئێخستنا ھەلبژارتنان دابا دا ب زمانەکێ زۆرێ زڤر پارتی تاوانبار کەن ب ئەنجام نەدانا ھەلبژارتنان .
ڤی سیستەمێ دیموکراسی و ھەلبژارتنان روویێ گەشێ خەلکێ کوردستانێ و دەسھەلاتداریا ھەرێما کوردستانێ نیشا جیھانێ دایە ، ژبووی گەشترکرنا ڤی روویەی پێتڤی یە خەلکێ کوردستانێ گوھداریا وان لایەنان نەکەت و ب گور و تین و ب ھەستەکا بلندنا نەتەوی و نشتیمانی پشکداریا ھەلبژارتنێن پەرلەمانێ کوردستانێ بکەت و ب ھەلبژارتنانڤە ماندی نەبیت .
ئەز باوەرم ملەتێ کورد ، ئەو مللەتە ئەوێ ب حەزا خۆ رێکا دیموکراسیێ ھەلبژارتی و ب کار و ئەرکێن گرانتر و زەحمەت تر مانی نەبوویە مینا شۆرەش و سەرھەلدانا دژی زۆردارترین رژێما دکتاتوری و شوفینی و پاشان شەرێ مەزنترین و بھێزترین گرۆپێ تیرۆرستیێ داعش و باشان شەرێ بەرڤانیکرنێ ل دەسکەفتێن خەلکێ کوردستانێ ، پشتی خیانەتا شازدێ ئکتۆبەرێ دژی حەشدا شەعبی و لەشکرێ عیراقێ ب پالپشتیا پاسدار و لەشکرێ ئیرانێ و ب شانازی ڤە مەزنترین سەرکەفتن بدەستڤە ئینان .
دیسان ل پشتا حکومەتا ھەرێما کوردستانێ مان ، بۆ زاڵبوون بسەر وان ھەمی ئاریشە و قەیران و ئاستەنگێن حکومەتا عیراقێ بۆ ھەرێما کوردستانێ ب خەلک و دەسھەلاتڤە درۆست کری ، ژلایێ ئابووری و سیاسی و کارگێری و لەشکری ... ھتد .
باوەری ب گاڤ و گوتنێن سەرۆکێ حکومەتا ھەرێما کوردستانێ ئینان ، یێن شکاندنا گەماروویێن سیاسی و ئابووری و بەرەڤ بھێزترکرنەڤا قەوارێ ھەرێما کوردستانێ و دەمەکی ناساندنا ڤان قەیرانا .
پرانیا خەلکێ کوردستانێ دگەل ئەنجامدانا ھەلبژارتنێن پەرلەمانێ کوردستانێ یە و بەرھەڤی ژی بۆ کریە و ب رەنگەکێ بەرفرەە دێ پشکداریێ کەت ، چەوا بەری دوو مەھان ب رەنگەکێ بەرفرەە پشکداری د ھەرلبژارتنێن جڤاتا نوونەرێن عیراقێ کر ، دێ ب گۆر و تینەکا زێدەتر پشکداری ھەلبژارتنێَن داھاتی کەت ، چونکی خەلکێ کوردستانێ گرنگی و پێتڤیا ڤان ھەلبژارتنان دزانیت ، دزانیت ئەو حزب و قەوارێن سیاسی یێن دڤێت ھەلبژارتن بھێنە پاشئێخستن ، ل کار و رەفتارێن خۆ یێن بووری د ترسن ، د ترس خەلکی لڤان ھەلبژارتنا کارڤەدان بەرامبەر ھەبن و رێژا دەنگێن وان لدیف حەزا وان نەبن و نەگەھنە ئاستێ بەرێ . ھەر وەکی ل ھەلبژارتنێن عیراقێ ئەڤ چەندە بسەر ھاتی .
ئەز باوەرم خەلکێ کوردستانێ ژی گەھشتیە وی ئاستی کو بزانیت کی لایەن ئاریشە و ئاستەنگ بۆ درۆست کرینە و ھەو داینە سەنگا ھەرێکا کوردستانێ کێم بکەن و کی ژی ل ل قەیرانا دەرباز کرینە و ئاستەنگ لھەمبەر راکرینە و سەنگا ھەرێما کوردستانێ لسەر ئاستێ جیھانی و ھەرێمایەتی گران کریە .