كاره‌با نوكه‌ بابه‌ته‌كێ گه‌رم و گرنگه‌ ل سه‌رانسه‌رى جیهانێ و بازاره‌كێ باشه‌ بۆ ب ده‌ستڤه‌ئینانا پاره‌یه‌كێ باش دناڤبه‌را وه‌لاتێن دنیایێ دا و نابیت هه‌رێما كوردستانێ ژى یا ژ ڤى بازارى دوور بیت و چ رووله‌ك تێدا نه‌بیت و نوكه‌ چه‌ندین جورێن به‌رهه‌م ئینانا كاره‌بێ هه‌نه‌ وه‌كو به‌رهه‌م ئینانا كاره‌بێ ب رێكا تیژیكا رۆژێ و ئاڤێ و هه‌وایى و چه‌ندین رێكێن دیتر.
سه‌رۆكێ حكومه‌تا هه‌رێما كوردستانێ ب رێكێن نوو و ئه‌كادیمێ یێ بزاڤا رێخستنا هه‌موو سێكته‌رێن گرنگ یێن هه‌رێما كوردستانێ دكه‌ت و نابیت ئه‌م بێى كو به‌رهه‌مێ ڤان هه‌موو بزاڤان ببینین و بریارا خوه‌ بده‌ین ئانكو بۆ وه‌لاتى نوكه‌ وه‌سانه‌ وه‌كى دبێژن بلا ئه‌و خه‌م بۆ وێ گاڤێ بیت ئه‌گه‌ر بۆ خه‌م، به‌س دڤێت ژ بیرنه‌كه‌ین هه‌تا ئه‌م ببینه‌ خودان وه‌لاته‌كێ پێشكه‌فتى مه‌ پێدڤى یا ب سیسته‌مه‌كى هه‌یه‌ كو ته‌ڤایا بیاڤێن ژیانێ بهێنه‌ رێكخستن ژ وانژى كاره‌با كو نوكه‌ به‌شه‌كێ گرنگ یێ ژیانا مرۆڤ و مرۆڤایه‌تیێ داگیر كرییه‌.
ژاپۆن و هه‌ماهه‌نگییا حكومه‌تا هه‌رێما كوردستانێ گرنگى و تایبه‌تمه‌ندییا خوه‌ هه‌یه‌ و ب تایبه‌تى ئاژانسا جایكا كو به‌رده‌وام هاریكارییا هه‌رێما كوردستانێ كرییه‌ و دڤێت ژ بیرنه‌كه‌ین كو سه‌رۆكێ كومپانیا ( لووت هارد)ى ئه‌لمانی (UNDP) چه‌ندین هاریكاری پێشكێشى هه‌رێما كوردستانێ كرینه‌ بگره‌ ژ دابینكرنا هه‌موو كه‌ره‌سته‌ و ئامیرێن پێدڤى بۆ مه‌شقپێكرنا ژماره‌كا زێده‌ یا كارمه‌ندان ب رێكێن نوو و یێن ئه‌كادیمى و بێ گومان ئه‌ڤ هه‌موو كاره‌ هه‌موو ب هه‌ما هنگییا سه‌رۆكێ حكومه‌تێ و وه‌زاره‌تا كاره‌بێ بوویه‌.
حكومه‌ته‌كا هه‌رێما كوردستانێ سه‌ره‌راى هه‌موو رێكێن سه‌خت و دژوار یا به‌رده‌وامه‌ ل سه‌ر شكاندنا هه‌موو ئاسته‌نگان و چه‌ندین بزاڤكرینه‌ بۆ كرنا چاكسازیێ د هه‌موو سێكته‌رێن هه‌رێمێ دا.
یا گرنگه‌ بزانین كا بۆچى ژاپۆنێ هه‌رێما كوردستانێ دڤێت؟ بێ گومان ئێك ژ ئه‌گه‌رێن سه‌ره‌كى ئه‌وه‌ كو حكومه‌تا هه‌رێما كوردستانێ شیایه‌ باوه‌ریێ بۆ وان درست بكه‌ت كو بهێن ل هه‌رێما كوردستانێ كار بكه‌ن و ڤیانا حكومه‌تێ بۆ كرنا چاكسازییان پتر ژاپون هاندایه‌ هاریكارییا هه‌رێما كوردستانێ بكه‌ت، وه‌كى یا دیار ژى كو ژاپۆن وه‌لاته‌كێ هه‌رێ مه‌زنه‌ بۆ دابینكرنا پێدڤیێن ژیانێ و رێكێن هه‌رى نوو و بله‌ز و ب تایبه‌تى دبیاڤێ به‌رهه‌م ئینانا كاره‌بێ و دابینكرنا هه‌موو پێدڤیێن نوو و سه‌رده‌مانه‌ و پێشكه‌فتى.
ل دوماهیكێ یا گرنگه‌ ئه‌م بزانین كو ژاپون دێ بیته‌ قوتابخانه‌كا مه‌زن و باش بۆ گه‌شه‌كرنا شیانێن تاكێ كورد د هه‌موو بیاڤێن ژیانێ دا و بێ گومان هه‌ر ئه‌ڤ چه‌نده‌ژى سه‌رۆكێ حكومه‌تا هه‌رێما كوردستانێ نێچیرڤان بارزانى دڤێت.
‎