حكومه‌ت یا به‌رده‌وامه بۆ نه‌هێلانا قه‌یرانا ئابۆرى ل هه‌رێما كوردستانێ
به‌ده‌ل گابێركى
بێ گومان هه‌رێما كوردستانێ پشتى روودانێن 16ى ئۆكتۆبه‌رێ كه‌فتبوو بن مه‌ترسیه‌كا مه‌زن تا وى راده‌یى گه‌له‌كان دگوت ئێدى قه‌واره‌یێ هه‌رێمێ ب ته‌مامى دێ ژناڤ چیت و گه‌له‌ك لایه‌نان ب ئاشكرایى د‌هول و زورنالێ ددا بۆ نه‌مانا هه‌رێمێ، به‌س دڤێت ژبیرنه‌كه‌ین كو سه‌رۆكێ حكومه‌تێ نێچیرڤان بارزانى گه‌له‌گ ب هشیارانه سه‌ره‌ده‌رى دگه‌ل وان هه‌موو یاریان كر یێن ل سه‌ر ئاستێ جیهانێ و رۆژهه‌لاتا ناڤه‌راست دهاتنه‌كرن و شیا وه‌كو یاریكه‌ره‌كێ سه‌ركه‌فتى خوه ده‌رباز بكه‌ت ئه‌ڤه‌ژى پێخه‌مه‌ت مانا هه‌رێما كوردستانێ و ژناڤبرنا هه‌موو خه‌ونێن وان نه‌حه‌زان یێن دڤییا هه‌رێم ژناڤ بچیت و ب ئێكجارى نه‌مینیت.
وه‌كى یا دیار كو ره‌وشا هه‌رێما كوردستانێ ژ لایێ ئابۆریڤه رۆژ بۆ رۆژێ یا به‌ره‌ڤ ئاسایى بوونێڤه دچیت و نابیت ئه‌م ژ بیر بكه‌ین كو هه‌رێما كوردستانێ د قه‌یرانه‌كا مه‌زن یا ئابۆرى دا ده‌رباز دبوو ل ده‌مێ برینا بۆدجه‌یا كوردستانێ و هاتنا داعشێ، به‌لێ سه‌رۆكێ حكومه‌تێ شیایه وان هه‌موو قه‌یرانان ب خوراگرییا خه‌لكێ كوردستانێ ده‌رباز بكه‌ت وه‌كو رێكه‌فتنا دگه‌ل عه‌بادى بۆ هنارتنا 317 ملیار دیناران و دگه‌ل هاتنا نه‌فتێ حكومه‌ت شیا پاشكه‌فتێ مووچه‌ى كێم بكه‌ت و ئه‌ڤ چه‌نده‌ژى بۆ ئه‌گه‌رێ هندێ تا راده‌یه‌كى بارێ وان یێ ئابۆرى سڤك ببیت.
هه‌روه‌سا ئێك كارێن هه‌رن سه‌ركه‌فتى یێن سه‌رۆكێ حكومه‌تێ نێچیرڤان بارزانى كو كێشه‌یا قانوونى یا دناڤبه‌را حكومه‌تێ و كومپانیا داناگاز چاره‌سه‌ر بكه‌ت و د بزاڤێن خوه دا یێ سه‌ركه‌فتى بوویه
سەرۆکێ حکومەتێ ھەموو بزاڤەک کرییە بۆ وێ چەندێ کێشەیا یاسایی یا ناڤبەرا حکومەت ھەرێما کوردستانێ و داناگاز چارەسەربکەت، سەرئەنجام ئەو ئاریشە ھاتە چارەسەرکرن و ب چاره‌سه‌ركرنا ڤان ئاریشان دگه‌ل كومپانیا داناگاز دێ چه‌ندین مفا گه‌هنه هه‌رێما كوردستانێ وه‌كى زێده‌بوونا داهاتى بۆ هه‌رێمێ و باشتر كاركرنا وێ كومپانیایێ.
ل دوماهیكێ یا گرنگه بزانین كو سه‌رۆكێ حكومه‌تێ به‌رده‌وام دبزاڤان دایه بۆ نه‌هێلانا قه‌یرانا دارایى ل هه‌رێمێ و بۆڤێ چه‌ندێ ژى چه‌ندین پێنگاڤ هاتینه هاڤێتن و ئه‌و هه‌موو بزاڤ ژى د به‌رچاڤن و كه‌س نه‌شێت نكولیێ لێ بكه‌ت، لڤێره یا فه‌ره كو وه‌لاتیێن هه‌رێما كوردستانێ به‌رده‌وام پشته‌ڤانیا حكومه‌ته هه‌رێما كوردستانێ بكه‌ن بۆ هندێ حكومه‌ت ژى بشێت رۆژ بۆ رۆژێ سه‌ركه‌فتنێن باشتر تومار بكه‌ت بۆ وه‌لاتیان.
