بڕوا بەخۆ بوون واتا زاڵ بوون بەسەر هەستەکاندا بەشێوەیەک کۆنتڕۆڵی سەرجەم بیرو هزرەکانت بکەیت و وەک پوڵایێک لەبەردەم رێگری و ئاستەنگەکانی ژیانتدا بوەستی و نەهێلی هیچ خەمێک ببێتە بەربەست لەبەردەم وەدیهێنانی خەونەکانتدا و بەچاوی ئومێدەوە لەژیان بڕوانی.
دیارە بنیاتی هەر شتێک بەدانانی بنەمایەکی گونجاوو بەرنامە بۆ داڕێژراو دێتە بەرهەم بەشێوەیەک گەر بەرنامەیەکی گونجاو ڕێکخراوی تۆکمە بۆژیانی خۆت دابنێی، بەشێوەیەک هیچ ئاستەنگێک کارنەکاتە سەر ئەم بەرنامەیە و بۆ هەر کێشەیەک ڕێگەچارەیەکی گونجاو دادەنێت و ناهێڵێت کار لە ڕێچکەی ژیانی بکات ، هەمیشە بەچاوی ئومێدەوە دەڕوانێتە ژیان و بۆهیچ شتێک و هیچ خەمێک چۆک دانانەیت و کۆت و بەند نەبیت و دەستەوەستان نەبیت .
دیارە کەسانی متمانە بەخۆبوو زۆر بڕوایان بەسەرکەوتنی خۆیان هەیە کەدەست دەدەنە هەرکارێک.
هەمیشە خۆیان بەشێوەیەک ئامادەدەکەن بۆ کارەکانیان کە بوێرانە دەست پێ دەکەن و بەگەشتن بەئاوات و ئامانجەکانیان.
کەهەنگاوێک دەنێن بێ بیرکردنەوە ناینێن و دەزانن چۆن و بۆچی و بۆ کوێی دەنێن.
کەترسیان لە شتێک هەبێت پێی ناڕوخێن بەڵکو ئەوترسە بەکار دەهێنن بۆ زیاتر خۆئامادەکردن و خۆبەهێزکردن و گەشتن بە چێژی سەرکەوتن.
بەردەوام پێشەنگ و ڕێنیشاندەرن بۆ دەوروو بەریان.
هەمیشە بەچاوی ئومێدەوە لەژیان دەڕوانن.
ناهێڵن گریان و خەم زاڵبێت بەسەریاندا.
هەرگیز خۆیان بێهێز نیشان نادەن ، بەلێ ئەوەی باسمان لێوەی کردووە ، گرنگە لە ژیانی هەرتاکێک کە بتوانێت بڕوای بەخۆت هەبێت ،،تا بتوانی وەدیهێنەری خەونەکانت بیت ،تا بتوانێت بلێ من ئەوە ئەکەم کە بۆی ئەجەنگم لە ژیان ، ژیان بۆ هەر تاکێکمان ناوچەی شەرێکە ، شەری زانست ، شەری بەردەوامی لە ژیان ، شەری ئاشتی شەری مرۆڤ بوونمان شەری خۆشگوزەرانی هەتا دوای ..

تۆ لەکام لەم جەنگانەدای ؟
بۆ کەم لەم شەرانە ئەجەنگیت و ئەتەوێت پێی بگەیت ؟
مرۆڤ گەر خەونی گەورەی هەبێت ،،مروڤێکی گەورەیە ، پێم خۆشە خەونی گەور ببینن ، تا ئێرە بوون و ژیان و خود بوونمان و دەوربەرمان باش بکەین .
گرنگترین خەون بین ئەو خەونەی ، خەون بەخۆتەوە ، ببینی وەک فەرهاد پیرباڵ دەلێت :

لە ناوجەرگەی ژیانەوە....
خەون بە گڵاوە ببینی خراپە
خەون بەئاونگ و تەکەی هەورەوە ببینی ساویلاکانەیە,
خەون بە گوڵ ببینی خراپتر
خەون بە بە پۆڕ و قاز و قوڵیناگانەوە ببینی،زۆر خراپتر
خەون بە پەپولەوە ببینی ،خراپ نیە بەڵام سودێکی ئەوهای نیە.
خەون بەمانگەووە ببینی ،هەر زۆر زۆر خراپە
خەون بەئەستێرە ببینی،لەهەموویانەوە خراپتر
خەون بە خۆتەوە ببینە،خۆت.