حکومەتا ھەرێما کوردستانێ ب ساناھی شیا ھەموو پلانێن ھندەک پارتێن سیاسی ژناڤ ببەت ب تایبەتی وان پارتێن ھوسان ھزردکر کو وەلاتیێن ھەرێمێ چ ژ ڤێ دنیایێ نزانن و ئاگەھـ ژ چ نینە ل دەمەکی حکومەت و وەلاتیێن ھەرێما کوردستانێ د قەیرانەکا سەختا ئابۆری دا دەرباز دبوون ھندەک پارتێن سیاسی بۆ زێدەکرنا دەنگێن خوە و فێلکرن ل وەلاتیان خوە ژ حکومەتێ ڤەکێشان و دیارکرن کو ئەو فەریشتە و ھوسان ھزرکر وەلاتی ژی دێ باوەر ژێ کەن، بەس ل ڤێرە ھەر پشتی خوەڤەکێشانا دوماھیک پارتا سیاسی سەرۆکێ حکومەتێ نێچیرڤان بارزانی ئاماژە ب ھندێ کر کو دێ حکومەتا ھەرێما کوردستانێ یا بەردەوام بیت ل سەر کارێ خوە و خزمەتکرنا وەلاتیان تا ھەلبژارتنێن بھێت یێن پەرلەمانێ کوردستانێ ڤێ چەندێ ژی کارتێکرنەکا مەزن ل وان پارتان کر وان ھوسان ھزردکر کو ب ڤەکێشانا وان ئێدی حکومەت دێ ھێتە ھەلوەشاندن و دێ حکومەتەکا کاربرێکەر ھێتە پێکئینانان تا ھەلبژارتنان، بەس نە ھەر حکومەت نەھاتە ھەلوەشاندن بەلکو ئەو پارتێن سیاسی ل دەڤ پرانیا وەلاتیان شەرمزار بوون و باوەرییا وەلاتیان ژ دەستدا و ل تۆرێن جڤاکی ژی توشی شەپۆلێن رەخنەگران بوون.
بەری ھەلبژارتنان ژی گەلەک پارتان دگوت: ب تنێ پارتێن دەستھەلاتدار خەدرێ ل وەلاتیان دکەن و ھەر خەلەتیەکا ھەبیت ئەو ئەگەرن، بەس وان ژ بیرکر بوو کو وانژی پشکداری یا د حکومەتێ دا کری و خودان پۆستێن بلندن دناڤ حکومەتێ دا و ل دەمێ بانگەشەیا ھەلبژارتنانژی دا ھەر ئەڤە درشمێن وان بوون تا کەفتینە خەفکا وەلاتیان و پارتی.
لڤێرە دا ژبیرنەکەین کا بۆچی پارتی گەلەک دەنگ ئینان، ژ بەرکو وەلاتیان ھەرێمەک دڤێت تێدا ئازاد بژین ئالایێ کوردستانێ ھەر یێ بلند بیت و کەس ب زمانێ کوردی لێ قەدەغە نەکەت، ئەرێ پارتی شیا ڤێ چەندێ بکەت، بێگومان بەلێ ھەر پارتی بوو پشتی ١٦ی ئۆکتۆبەرێ ل پردێ و سحێلا گوتە دۆژمنان ستۆپ! و نەھێلا قەوارەیێ ھەرێما کوردستانێ ھەلوەشیێت.
ل دوماھیکێ یا گرنگە کو ئەو پارتێن کێم دەنگ برین بزانن و پرسیارێ ژ خوە بکەن کا بۆچی وەلاتیان باوەری ب وان و پرۆژێن وان نەما و پترترین دەنگ پارتی برن ل سەر ئاستێ عیراقێ و ھەرێما کوردستانێ بۆ یا ئێکێ بێ ھەڤپەیمانی و بێ کەرکووک ژی ل ڤێرە یا ژھەژییە ئاماژێ ب ھندێ بکەین کو د بانگەشەیا ھەلبژارتنان دا ژی جێگرێ پارتی دیموکراتی کوردستان نێچیرڤان بارزانی باوەری و ئیرادەیەکا بھێز دیارکربوو کو ھەردێ پارتی مینیت بھێز و ئێکگرتی و پارتا ئێکەم و ئەڤ چەندەژی بۆ راستییەک و خەنجەرەک بۆ پشتادۆژمنان.