پارتی دیموکراتی ب شێوەیەکێ بەرفرەھتر ل بادینان و ب ئامادەبوونا نێچیرڤان بارزانی جێگرێ سەرۆکێ پارتی دیمۆکراتی کوردستان و ب ئامادەبوونا جەماوەرەکێ ئێکجار زۆر یێ پارێزگەھا دھوکێ دەست ب بانگەشەیا ھەلبژارتنان کر.
خەلکێ بادینان و پارتی دوو بابەتن ئەگەر بباشی بەرێ خوە بدەیێ ھەمان ھزر و ھەمان ناڤەرۆکن، ژ بەرکو پارتی یا ژ دل و ھناڤێن پارێزگەھا دھوکێ ژ دایک بوویی ھەر ژ بەرھندێ ژی نێچیرڤان بارزانی دیار کر، کو وەک ھەر جار پشتراستین خەلکێ دھوکێ دێ پشتەڤانیێ ل پارتی کەن و ھەردەم دەڤەرا بەھدینان مال و چەپەرێن پارتی بووینە و د درێژیا دیروکێ دا پارتی و بادینان ئێک بووینە و نابنە دوو!
دیسان بادینان بەردەوام خودان ھەلویست و مێژوویەکا پری شانازیی یە و ھەردەم وەلاتیێن پارێزگەھا دھوکێ پارتی بێ دودلی ھەلبژارتییە و چ جارا رێک نەدایە چ کەس و لایەنێن دیتر خوە مێھڤاندارییەکا خوەش و ئارام دەرباز بکەن و بارزانی ژی ئەڤ چەندە دوپاتکر کو ل دوور خەبات و رۆلێ خەلکێ بەھدینان قارەمانیا خەلکێ بەھدینان ل سحێلا و تلسقوف وەک چەوا برایێن وان ل پردێ کرین وەکر کو کوردستان نەکەڤیتە دەستێ دوژمنان و ئەگەر خوراگریا وی خەلکی و پێشمەرگەی نەبان نھا ئەو ل ڤێرێ نەدبوون و پاشەروژا کوردستانێ ژی یا دیار نەدبوو.
وەکی یا دیار و ب درێژاھیا مێژوویێ ھەر مللەتەکێ ئێکگرتی نەبیت دێ دمێژوویێ دا ب تنێ شەرمزار بن و ژناڤ چن و چ دەستکەفتنان ب دەستخوە ڤە نائینن و باشترین نموونەژی ئەگەر خیانەتا ١٦ی ئۆکتۆبەرێ نەبا چ جارا مللەتێ کورد ئەڤە ب سەری نەدھات و نێچیرڤان بارزانی گرنگیەکا مەزن دا ڤی بابەتی و دیارکر: ئارمانجا پارتی ئەو بوو دگەل ھەموو ئالیان ب ئێک لیست بچنە بەغدا، لێ وان ئالیان ئەڤ ھەلبژارتنە ب دەلیڤە دیتن ژبۆ شکاندنا پارتی ب کار بینن، بەلێ ئەو وان ئالیان پشتراست دکەن کو ئەو نەشین نە پارتی و نە کوردستانێ لاواز بکەن.
مێژوو شاھدە ل سەر رەوشتێ وەلاتیێن دەڤەرا بادینان و خوراگرییا وان ل سەر ھەموو نەخوەشی و ئاستەنگێن ژیانێ و درستکرنا پێکڤەژیانێ و ل دوور بێ دەنگییا بادینان بارزانی ھوسان گۆت:خەلکەکێ نەحەز دبێژیت، بۆچی خەلکێ دھۆکێ و بەھدینان بێدەنگن، لێ نزانن، بێدەنگییا بەھدینان رێزگرتنە ل خوینا شەھیدان و جھێ کەلتۆرێ فەوزایێ ژی ل ڤێ دەڤەرێ نینە.
ھەروەسا نێچیرڤان بارزانی گوتژی پارتی حزبا ئێکێ یە و مەرجعێ پارتی کو سەرۆک بارزانیە دگەل پیشمەرگەیان بووینە، وەک سمبوولێن تێکشکاندنا داعشێ ل جیھانێ دھێنە دیتن و پارتی ھەردەم دێ شانزایێ ب وان دەستکەفتان کەت و ل دوماھیکێ خواست دەنگ ب بەربژارێن پارتی دیمۆکراتی کوردستان و لیستا ١٨٤ یا پارتی بھێتە دان.