پارتی وەکو خودان مێژوویەکا دوور و درێژ پری ئەڤرازی و نشیڤی ھەردەم دەست ژ بەرژەوەندیێن خوە یێن تەسک بەردایە و خەبات کریە بۆ بەرژەوەندیێن بەرز یێن نەتەوایەتی و بەرخودان کرییە بۆ ئازادیێ و سەرفەرازییا گەلێ کورد ھەر ژ بەرھندێ بەردەوام پارتی بوویە ئارمانجا دۆژمنان، ژ بەرکو پارتی چ جاران چووک بەرامبەری دۆژمنان نەدانە و وەکو چیایەکێ بھێز بەرامبەری وان راوەستایە و بۆ ڤان ھەلویستێن خوە یێن بۆێرانە پارتی خوین دایە باجەکا مەزن دایە، بەس دا ژبیرنەکەین بەرھەمێ وێ خوینێ ئەڤرۆکە یێ دیارە ئەڤرۆکە ئازادییە و پاراستنا کەرامەتا گەلێ کوردە و دا ژبیرنەکەین کو ل ١٦ی ئۆکتۆبەرێ وان خاک فرۆشت! بەس پارتی ب داستانێن پردێ و سحێلا دۆژمن تێکشکاند و نەھێلا قەوارەیێ ھەرێمێ ژناڤ بچیت و خەونێن خولام و خۆفرۆشێن ئاخا کوردستانێ بھـ بھێن.
پشتی وان کاودانێن دۆژوار ب سەر ھەرێما کوردستانێ دا ھاتین ھەر پارتی بوو جارەکا دیتر ب رێکێن نەرم و دبلۆماسی جارەکادیتر ھەیبەتا ھەرێما کوردستانێ بزڤرینن ڤە و ب تایبەتی رۆلێ سەرۆکێ حکومەتێ نێچیرڤان بارزانی ھەم ل سەر ئاستێ نافخوە و ھەم ل سەر ئاستێ جیھانێ چەندین سەرەدان و دیدارێن گرنگ کرن و جارەکا دیتر ژیان و خوەشی ڤەگەراندە سەر وان دلێن بریندار و چرمسین ب ئەگەرا فرۆتنا کەرکووکا دلێ کوردستانێ.
ھندەک سەرکردێن پارتێن سیاسی ھزردکەن کو تاژیکن، بەس یا ژبیرکری کو ئەو د سرۆشتێ خوە دا کیسەلەنە! ھەررۆژ ئاخفتنەکێ دبێژن و ژبیردکەن کا ئەو کینە و چ کرییە و چ بەرھەمەک بۆ وەلاتیێن ھەرێمێ ھەبووینە و یا ژبیرکری کو مێژوو دلۆڤانیێ ب کەسێ نابەت و یا تومارکری کو ل ١٦ی ئۆکتۆبەرێ ھندەک کەسێن نەفام و خاین خاک فرۆت و پارتی و پێشمەرگەیێن قەھرەمانێن کوردستانێ لژێر ئاسن و ئاگری دا دکرە ھەوار و دگۆت: خونەچەمینن و وان نەھێلا ھەرێم بکەڤیتە مەترسیێ و ژناڤچوونێ و لاپەرێن مێژوویێ ب ڤی رەنگێ ل سەری ھاتیە تۆمارکرن.
ھەروەسا پارتی دیمۆکراتی کوردستان بۆ ھەلبژارتنێن ئیراقێ ب جەماوەرێ خوە یێ مەزن و ئالیگرێن خوە دێ بەشداری ھەلبژارتنان بیت و دێ دیارکەت کو پارتی دێ ھەردەم بەرگریێ ژ ماف و دەستکەفتێن ھەرێما کوردستانێ کەت و پارتی دێ ھەر پێشەنگ و ھێزا ئێکێ یا کوردستانێ مینیت.
ل دوماھیکێ ژی یا گرنگە ھەموو ئەندامێن پارتی بەشداری ھەلبژارتنان ببن و دوپات بکەن کو دێ ھەردەم پارتا وان یا بھێز و ئێکگرتی بیت و سەرۆکێ حکومەتێ ژی نێچیرڤان بارزانی د ھەوا بانگەشەیا ھەلبژارتنان دا، داکوکی لسەر وێ یەکێ کر کو یەک دەنگ ژی گەلەک گرنگە و دوبارە داخواز ژ دەنگدەرێن پارتی کر ھەموو دەنگێ خوە بدەن.