رەوشی رۆژهەڵاتی ناوین بە دۆخێكی هەستیار وناڵەباردا گوزەر دەكات كە تێیدا ناوچەكە رووبەرووی چەندین قەیران و كێشەی مەترسیدار بۆوە و پێشبینیش دەكرێ زیاتر گۆرانكاری رووبدات. لەو رووەوە لە ماوەی چوار ساڵی رابردوو هەرێمی كوردستان رووبەرووی جەنگێكی ماڵویرانكەری داعش بووە و حكومەتی ناوەندیش لەجیاتی ڕۆلێكی ئیجابی و كاریگەر زۆر بێباكانە بەشە بودجەو قوتی هاوڵاتیانی هەرێمی كوردستانی بڕی، جەنگی داعش و جەنگی ناوخۆیی سووریا وایكرد كە ملیۆنان ئاوارە ڕوو لەهەرێمی كوردستان بكەن و بارگرانیەكی زۆر گەورە یەخەی بەئابووری هەریمەكەمان گرت، سەڕەڕای ئەمانە بەهۆی گۆرانكارییە نیودەوڵەتیەكان و سیاسەتی وزەی جیهانیش نرخی نەوت بەشێوەیەكی زۆر مەترسیدار ڕووی لەدابەزین كرد، تەنانەت دابەزینی نرخەكەی بەجۆرێك بوو نرخی یەك بەرمیل نەوتی خاو لەحەفتا دۆلارەوە بۆ تەنیا بیست دۆلار دابەزی ئەوكات حكومەتی هەرێم هەموو هەوڵێكی بۆ ئەوەبوو ئەو دۆخە مەترسیدارە تێپەڕێنیت و هەرچۆنێك بێت بەرەنگاری ئەو هەموو قەیرانە نائاساییە ببێتەوە.پارتیی دیموكراتی كوردستان ، هەمیشە باوەری بە پرەنسیبەكانی ئاشتی ،ئازاد و دیموكراسی هەبووە ، ئەوە پرۆگرام و باوەرییە وایكردووە كە لە پلان و بەرنامەكانی هەمیشە جێگەی بایەخ بێ‌ و جیهان بەگرنگییەوە بروانێتە دۆزی كورد و جێگەی متمانە بێ‌. هۆكاری ئەو سیاسەتە سەركەوتووەش لە هەر لە خۆوە نەبووە ،بەڵكو سەركردایەتیی سەرۆك بارزانیی، و حكومەتی كوردستان نێچیرڤان بارزانیی و رێزدار مەسرووربارزانیی و گشت دڵسۆزان و خەمخۆران گەلەكەمان وایكردووە ئەو متمانە،سەقامگیری و پێشكەونتنانە سەرٍەرای گشت كۆسپەكان بەدی بێن .
هەرێمی كوردستان وەك قەوارەیەكی سیاسی لە ماوەی چارەكەسەدەی رابردوو و لە ساڵی 1992ەوە خۆی خۆی بەڕێوە دەبات، سەرەڕای گشت كۆسپ و تەگەرەكان و كەموكورتییەكانی توانیویەتی ئیدارەی خۆی بكات و نموونەیەكی جوانی حوكمرٍانی و ئاشتیخوازی و بەرێوەبردن پێشكەش بكات و بە دونیا بڵێ كە كورد هیچ كات باوەری بە شەرٍو توتدو تیژی نەبووە و بەڵكو هەمیشە ئاشیتخواز و ویستی پێشكەوتن و گەشەكردنی هەبووە و هەیە .
هەروەها ئەم بەشەی كوردستان كە بە باشووری كوردستان یا هەرێمی كوردستان ناودەبرێ‌ هیچ كات نەبووەتە سەرئێشە و هەڕەشە بەتایبەت بۆ وڵاتانی دراوسێ‌، بگرە بەردەوام هەوڵی كەمكردنەوەی كێشە بووە لە هەر چوار دەوڵەتەكە، ئەمە دروشم نییە و بە كردار و دیكۆمێنت كراوە، هەموویشمان چەندان بەڵگە و دیكۆمێنتمان لایە و لای بەرامبەریش بێگومان هەیە.
هەروەها لەڕووی دیموكراسیشەوە، ئەزموونی باشووری كوردستان بە بەراورد بەو چوار دەوڵەتەی كە دابەش كراوین بە سەریاندا، كورد باشتر و چالاكترە و ئازادی زۆرتری دەستەبەر كردووە. میللەتی كورد لەو ماوەی حوكمڕانیدا جێی حەوانەوەی هەموو هەڕەشە لێكراوێكی سیاسی و ئاینی و ئایۆلۆژی و نەتەوەیی بووە، واتە شوێنی حەوانەوە و پاراستنیان بووە و هیچ بەریەككەوتنێكی خراپی ئاینی و ئایدۆلۆجی تیادا نەبووە و بگرە جێی حەوانەوەیشیان بووە.
هەروەها لە رووی ئابوورییەوە ئاڵوگۆڕی بازرگانی لەم رووەوە بە باشی خۆی بەڕێوە بردووە و دەرفەتی كاری رەخساندووە و سەرٍەرای گشت ئەو كەمكورتیی و بوونی گەندەلی توانیوێتی رووی پێشكەوتنەوە پرۆژەی باش و گەورە و ئاوەدانی زۆر بە خۆیەوە ببینێ‌.
هەروەها بوونی سەرچاوەی نەوت و كانزای سروشتی لە خاكەكەیدا و وەبەرهێنان تیایدا، واتە بەشدارییەكی نەوتی و غازیی هەیە، چەندان كۆمپانیای وڵاتانی زلهێز هاتوون و تیایدا بەشدارن، ئەمەش قازانجێكی تری چەند لایەنەی تێدایە كە هەم وڵاتە زلهێز و هەم كوردستان سوودمەند دەبن و قازانج بەیەك دەگەیەنن. بوونی هێزی پێشمەرگە، ئەم هێزە بەردەوام هەوێنی ئاسایش و سەقامگیری و دڵنییایی بووە لە دراوسێ و هۆكارێك بووە بۆ سەقامگیری وڵاتانی تر و لەم دواییەشدا بوو بە تاكە هێزی رووبەڕووی مەیدانی دژی تیرۆریستانی داعش و وەستاندنی لە پێشڕەوی و شكاندنی و بەرگریكردنیان لە خاكی كوردستان لە بەرانبەر هەر داگیركەرێك لەلایەك خوێنی پێشمەرگە لووتی تیرۆرستانی شكاند و بە دنیای گوت ئارام بژین و لەلایەكی تر بە داگیركەرانی گووت ئیستۆپ .
ئەوە سەركردەیەی كە توانیی رووبەرووی ئەو كێشە و قەیرانە قورسانە بێتەوە ، سەرۆكی حكومەتی كوردستان دەوڵمەتمەدار نێچیرڤان بارزانیی بوو ، كە خۆی كابینەكەی سەرٍەرای هەموو كۆسپ و تەگەرەكانی بەردەمی لە نێو زەریاییەكی پر تۆفان توانی سوكانداری كەشتیی هەرێمی كوردستان بكات بۆ گەیاندنی بە كەنارٍی ئارٍامی و دڵنییایی..
.