ژ خاسیەتێن ھەفپشکێن ھەری گرنگ و گشتی ل دەمی خاندنا دیروکا کوردان یا کەڤن و ناڤین و نوی و ھەفچەرخ و ھەتا ریدانێن ڤێ داویێ ژی , نەبونا ئێک رێزی بویە دناڤ مالا کوردی دا . دەھان شورەش و سەرھلدان و بزاڤێن کوردی ب سەرکردێن خوەڤە ژناڤچونە ھەر ژ بەر ڤی فاکتەری. نەبونا ئێک رێزیێ ژی بو چەندین ئەگەران دزڤریت کو دڤێ گوتارێ دا دێ بەحس ژ ھەلبژاردنێن (١٢ ئایارێ ) کەین کو تنێ ھەیڤەک بو ئەنجامدانێ وێ ماینە.ئەرێ ئەڤ ھەلبژاردنە چەند دێ کو کوردان ل سەر ئێک مێزادانوستاندنێ کومکەت؟ ئەرێ کورد دێ چەند شێتن وی پێگەھێ بھێز یێ بەری شازدێ ئوکتوبەرێ زڤرینیت؟ رولێ حکومەتا ھەرێما کوردستانێ ل پاراستنا ئارامی و پێکڤەژیان و جوداھیێن ھزری و حزبی دڤێ کڤانێ دێ چاوا بیت ؟
ب ریدانێن شازدێ ئوکتوبەرێ ناڤ مالا کوردی ب رادەکێ تێکچو ھەمی ئالی ل سەر ھندێ رێککەفت بون کو رێکنەکەڤن و دژاتیا ئێک دوو بکەن! ل دەمەکێ دا کوردان مەزنترین کارەسات ب سەری ھاتبو ژ ئەنجامێ پیلانەکا نافخوی و ھەرێمی و نێڤدەولەتی. لەوما فەرە پارتێن کوردستانی ب گیانەکێ نەتەوەی و نیشتیمانی ئێک دوو قەبول بکەن و ھەمی پێکولا وان ئەو بیت کو بشێن ئەو سنورێن ب خوینێ ھاتینە کێشان بێنەڤ زڤراندن ب دەنگدان و روحا کورداتیێ کو ل وان دەڤەران ژ ئەگەرێ خیانەتێ ھاتبو دیرکرن. ئەڤ چەندە ژی ب وێ ئێکێ دئێتە مەیدانێ دەمێ ھەمی ئالیێن کوردستانی ل دەمێ بانگەشەیا ھەلبژاردنان بھایێن نەتەوەی بپارێزن و سنورێن ئاسایشا نیشتیمانی نەھێنە بن پێکرن بو مەرەمێن تایبەت و حزبی .
کورد پشتی کەفتنا سەدامێ دکتاتور ب سیاسی و سەربازی و دبلوماسی بونە بەرێ بونیاتی یێ عیراقا نوی کو جھێ داخازا ھەمی تاکەکێ عیراقی بو ب ھیڤیێن خوەیێن سادە بگەھیت , بەلێ ئەو ھەمی ھەڤی بونە شەرێ نافخوی و مالوێرانی . ب درێژاھیا پتر ژ دەە سالان رولێ کوردان یێ میحوەری بو و یاریزانێن ھژمارە ئێک بون ل پرانیا جاران دپروسێسا سیاسی ل بەغدا, بەلێ پشتی کو سەرکردێن عیراقێ پێکولا لاوازکرن و نەھێلانا کیانێ سیاسی و دەستوری یێ کوردستانێ دای و دەستور و پرەنسیپێ تەوافقێ بنپێکری, کورد بەرەف پروسەکا دیموکراسی چون ئەنجامدا گەلی سەربەخوی ھەلبژارد ل ئەیلولا چوی د ریفراندومێ دا . بەلێ خیانەت و دوژمناتیا گەلێن دەڤەرێ بو دوزا کوردی و گلوپێ کەسکێ روژئاڤایێ شازدێ ئوکتوبەرێ بدیف دا ھات و پێگەھێ بھێزێ ھەرێما کوردستانێ زور بێھێز بو , بەلێ ب پێکولێن سەرکەفتیانەیێن نێچیرڤان بارزانی سەروکێ حکومەتا ھەرێما کوردستانێ کار ھاتە کرن کو ئیدی عیراق ل سنورێن سزادان و نەھێلانا کوردستانێ ب راوەستیێت و دەست ب دانوستاندنا بێتە کرن و ئەنجامێن باش ب وان پێکولان ڤە ھات وەک دیار. نھا ژیب ئێک رێزی و تەبای و دیرکەفتن ژ توندوتیژی و ئێک دوو رەتکرنێ دێ گەھینە وی دەرئەنجامی کو ستراتیجەک ھەفپشک ھەبیت بو کوردستانێ ل سالێن بێت , ئەڤ چەندە ژی ل ھەلبژاردنێن (١٢ئایارێ) دیار دبیت.
حکومەتا ھەرێما کوردستانێ دنھا دا وەک تاکە نونەرێ کوردستانیان ئەرکە کو پلان ھەبیت بو پاراستنا ڤێ پروسا گرنگ و سەرئێخستنا وێ بو ھندێ نونەرێن جیھانێ ھەمی وێ راستیێ بزانن کو کوردستان دێ زڤریت بو سەر پێی خوە و ئەو ریدانێن ڤێ داویێ دێ ھەمی بنە وانە بو دیروکێ.چەندین جاران ژی ژ ئالیێ سەروکێ حکومەتێ دووپاتی ل سەر پاراستنا ئێک رێزیێ ھاتیەکرن وەک بنیاتێ سەرکەفتن و بھێزکەفتنێ .
فەرە ھەمی ئالیێن کوردستانی ل ئاستێ بەرپرسیارێ دا بن ل دەمێ بانگەشەیا ھەلبژاردنان و سنورێن ئاسایشا نەتەوەی و نیشتیمانی بپارێزن و ئیدی وان روژێن کو کورد ل خیانەتێ تورە دبو و دگریا ب پروسەکا ئازادانە و پاراستنا ئێک رێزیا ناڤ مالا کوردیقەرەبو بکەن. پێگەھێ کوردان یێ ب ھێز ب ئەنجامدانا پروسەکا بێ ئاریشە دایە. قوناغا مەترسیدار ل سەر کوردستانێ دەرباز بویە و نھا قوناغا ڤەگەریانا ھەمی وێ شکو و ئاخ و خوینێ یە کو کوردان ل چەندین سالێن چوی بو سەربەخویی و ئازادیێ ژ دەست دا . قوناغا ڤەگەریانا پێگەھێ کوردستانێ یێ بھێز ل حکومەتێ ب سەرکەفتی دەربازبویە ب ھەمی وان پێکولێن سەروکێ حکومەتێ دەمێ شیای ھەمی ئالیێن نافخوی و ھەرێمی و نێڤدەولەتی بو ئالیێ خوە رابکێشیت و شیا دانوستاندن و دبلوماسیەت و چەند کارێن دیتر ئەجامبدەت کو شیایە خەلکی ب پروسەکا ئاشتیێ بگەھینیتە ڤێ قوناغێ . ئیدی رولێ پارتێن سیاسی دئێت بەلێ ب ستراتیجەک نوی نەتەوەی و نیشتیمانی و کوردستانی کو لادان لێ خیانەت بیت.