زیاتر لە سەدەیەكە خاك و نیشتیمانی دابەش و داگیركراوە , خێروبێری ئەم نیشتیمانە لە بەرژوەندی خۆیان و بەچەكی قەدەغەكراو و پیلانگێری بەردوام وڵاتانی داگیركەری كوردستان و رژێمە یەك لەدوای یەكەكانی عێراقەوە بەردەوام كۆسپ و بەربەست لە بەردەم گەرانەوەی مافە زەوتكراوەكانی دروست كراوە . هه‌ر له‌سه‌ره‌تای دروستبوونی ده‌وڵه‌تی ئێراقه‌وه‌ له‌ ساڵی ١٩٢١ تاوه‌كو ئه‌مڕۆ پیاده‌ده‌كرێت. پان – عه‌ره‌بیزم وه‌ك بیرۆكه‌یه‌كی ڕه‌گه‌زپه‌رستی عه‌ره‌بی هاوتای پان -توركیزم و پان – ئێرانیزمه‌، كه‌ ده‌وڵه‌تان و پارته‌ سیاسیه‌ عه‌ره‌بی و توركی و فارسه‌كان به‌جیاوازی ئایدۆلۆژیا و مه‌زهه‌ب و بۆچوونیانه‌وه‌ وه‌ك كتێبێكی پیرۆز به‌كاریده‌هه‌ێنن. پان عه‌ربیزم – ئێرانیزم و توركیزم له‌كاتێكدا وه‌ك پشته‌وێنه‌یه‌كی گشتی ده‌رده‌كه‌وێت، كه ‌كورد داوای مافی چاره‌ی خۆنۆسین و مافی نه‌ته‌وه‌یی خۆی بكات. ئیدی پان -عه‌ره‌بیزم و ئێرانیزم و توركیزم دێت و به‌ناوی هه‌موومان براین و هه‌موومان خه‌باتده‌كه‌ین بۆ پڕۆلیتاریای جیهانی و هه‌موومان موسوڵمانین و هه‌موومان هاوڵاتین....هتد مافی ڕه‌وای نه‌ته‌وه‌یه‌ك بۆ هه‌بوونی قه‌واره‌یه‌كی سه‌ربه‌خۆ و یان نیمچه‌ سه‌ربه‌خۆ ڕه‌تده‌كه‌نه‌وه‌ و داوای خوتوانه‌ی كورد ده‌كه‌ن له‌ناو عه‌ره‌ب و تورك و ئێراندا. خۆ ئه‌گه‌ر كورد به‌ره‌نگاری خود- توانه‌وه بكات، ئه‌وا سیاسه‌تی گرتن و كوشتن و ئه‌شكه‌نجه‌ و جینۆساید و ڕاگوازتن و داگرتنی دێهات و سووتماكی خاك و كردنی شاره‌كان به‌ به‌ندیخانه‌، دوا ئامانجه كه‌ له‌كاتی هه‌ل هه‌ڵكه‌وتنی سیاسیدا په‌نای بۆ ده‌به‌ن. ئه‌م خود -توانه‌وه‌ كوردییه‌ له‌ناو كوردا به‌مجۆره‌ په‌ره‌یپێده‌درێت، به‌وه‌ی هۆشمه‌ندی گشتی كوردی، ئاماده‌بكه‌ن بۆئه‌وه‌ی بگاته‌ بڕوایه‌ك به‌وه‌ی؛ كورد ناتوانێت حوكمی خۆی بكات - كورد خۆخۆره‌ - كورد گه‌نده‌ڵه‌، كورد پێشناكه‌وێت....هتد به‌مه‌رجێك ئه‌م میلله‌تانه‌ فرسه‌تی مێژووییان بۆ هه‌ڵكه‌وتووه‌ كه بوونه‌ته‌ ‌خاوه‌ن ده‌وڵه‌ت، ده‌نا له‌كولتور و ژیانیاندا له‌كورد باشترین نین، گه‌ر خراپتر نه‌بن. كۆمه‌ڵگه‌كانیان كاره‌ساتاوین به‌ تلیاك و دزی و گه‌نده‌ڵی و فونده‌مێنتالیزمی ئاینی شیعه‌گه‌رایی و سونه‌گه‌رایی و سۆڤێنزم و هه‌ژاری و دیكتاتۆریه‌ت و ...هتد كورد له‌وان زیاتر نه‌بێت له‌وان كه‌متر نییه‌. بۆیە گۆرانكارییەكانی ناوچەكە و قۆناغی ئێستامان كورد یەكریز بێ‌ و چونكە پەرتەوازەیی كورد زیان بە دۆزی كورد و گەیشتن بە مافەرەواكانی دەگەێنێ‌..
دوای‮ ‬پانزە ساڵ لە رزگاركردنی‮ ‬عێراق و دژایەتیكردنی‮ ‬كورد كە دواتریان برین و دواتر كەمكردنەوەی‮ ‬بەشە بووجەی‮ ‬كوردستان،‮ ‬یاریكردن بە هەستی‮ ‬هاووڵاتیی‮ ‬كوردستان و جێبەجێنەكردنی‮ ‬بەڵێنەكان و هێرشكردنە سەر ناوچە ناكۆكی‮ ‬لەسەرەكان،‮ ‬بە بیانووی‮ ‬گشتپرسی،‮ ‬هەروەك گشتپرسی‮ ‬تاوانێك بێك دژی‮ ‬دەستوور و‮ ‬یاسا و بەهاكانی‮ ‬مرۆڤ كرابێت،‮ ‬بێگومان گشتپرسی‮ ‬مەهانە بوو بۆ ئەو پێشیڵكردنەی‮ ‬دەستوور دەرهەق بە ناوچە كوردنشینەكانی‮ ‬دەرەوەی‮ ‬هەرێم و هێرشكردنی‮ ‬سەربازی‮ ‬بۆ ئەو ناوچانە لە بەرەبەیانی‮ ‬16ی‮ ‬ئۆكتۆبەری‮ ‬ساڵی‮ ‬پار كە ئەمەش سەرهەڵدانیكی‮ ‬دیكە خەیانەت بوو لە بزاڤی‮ ‬رزگاریخوازی‮ ‬كورد‮. ‬دوای‮ ‬كەمكردنەوەی‮ ‬بەشە بووجەی‮ ‬كوردستان كە چوار ساڵە بڕاوە،‮ ‬دەسەڵاتدارانی‮ ‬بەغدا دووپاتی‮ ‬هەڵوێستی‮ ‬باوەڕ‮ ‬نەكردن بە شەراكەت و تەوافق و تاكڕەوی‮ ‬دەسەڵاتییان كردووە،‮ ‬هەڵبەتە ئەمجۆرە هەڵسوكەوتانە بە تایبەتی‮ ‬دوای‮ ‬بیانووی‮ ‬جۆراوجۆر بە جێبەجێنەكردنی‮ ‬بڕگەی‮ ‬140‮ ‬دەستوور و پێشێلكردنی‮ ‬زیاتر لە‮ ‬60‮ ‬بڕگەی‮ ‬دیكەی‮ ‬دەستوور،‮ ‬سەركردایەتیی‮ ‬سیاسیی‮ ‬كوردستانی‮ ‬یان خستە بەردەم چەندین ئەگەر كە دەبوایە لە ساڵی‮ ‬2012‮ ‬كاتی‮ ‬جوڵانی‮ ‬سوپا و هەوڵی‮ ‬هێرشكردنە سەر كوردستان،‮ ‬سەركردایەتی‮ ‬سیاسیی‮ ‬كوردستان بڕیارێكی‮ ‬چارەنووسی‮ ‬بدابایە سەبارەت بە شەراكەت لەگەڵ ئەوانەی‮ ‬كە لە هەوڵی‮ ‬تێكدانی‮ ‬شەراكەت و تەوافق بوون،‮ ‬ئەمڕۆش هەمدیس سەركرایەتی‮ ‬سیاسیی‮ ‬كوردستان كەوتوونەتەوە بەر چەندین ئەگەری‮ ‬هەستیار،‮ ‬كە جیاوازی‮ ‬لەگەڵ ئەگەرەكانی‮ ‬پێش چەند ساڵ هەیە،‮ ‬ئەمڕۆ دەنگەكان بەرز بوونەتەوە بۆ كۆتایی‮ ‬هێنان بەو شەراكەتە،‮ ‬بەڵام لە كات و ساتی‮ ‬ئێستا چەندین ئەگەر دێنە پێش‮. ‬ دەبێت خاوەن عەقڵەكان و هۆشمەند و كەسە تێگەیشتووەكان و سیاسیە سەركەوتووەكان كاتێك سیاسەت دەكەن‮ ‬یان دەیانەوێت كاری‮ ‬سیاسی‮ ‬و حیزبایەتی‮ ‬بكەن دەبێت لەژێر رۆشنایی‮ ‬ئەم وتەیە كاری‮ ‬سیاسی‮ ‬خۆیان بكەن،‮ ‬واتە لە سەیركردن بۆ كۆی‮ ‬رووداوەكانی‮ ‬رابردوو و هەڵسەنگاندیان و لێك جیاكردنەوەی‮ ‬خاڵە باشەكان وخراپەكان و خاڵی‮ ‬بەهێز و لاواز و خاڵی‮ ‬سەركەوتن و شكست دەبێت لەژێر رۆشنایی‮ ‬تێڕوانینمان بۆ رابردوو سیاسەتی‮ ‬ئەمڕۆ و داهاتوو دابڕێژین و بەرنامەرێژی‮ ‬بۆ بكەین،‮ ‬ تا چیتر هەڵەبجەكان دووبارە نەبنەوە و كارەساتەكان نوێ نەبنەوە و خاكی‮ ‬كوردستان نەبێتە مەیدانی‮ ‬تاقیكردنەوەی‮ ‬چەكە قەدەغەكراوەكان و خۆراكی‮ ‬ئەم چەكانەش تەنها خوێنی‮ ‬كورد بێت.
پێشمەرگە ، لەو ساتە وەختەوە دەستی داوەتە چەكی مەردایەتیی لە پێناو رزگاری خاك و نیشتیمان ،ئازادی كورد وكوردستان و رٍەتكردنەوەی ژێر دەستی و پاراستنی شكۆ و شوناسی نەتەوەیی بووە . بۆیە هەمیشە پێش مەرگ كەوتووە و سینگی كردۆتە قەڵغانی بەرگری.پێشمەرگەی كوردستان بۆ وڵات و ئازادی مروڤی كوردستانی گیانی خۆی بەخت دەكات، پێشمەرگە بۆ هەموو گەلی كوردستان تێدەكۆشێت، نەك تەنیا بۆ كورد، ئەم پەیامە بەرزە هەمیشە ئامانج ومەبەستی پێشمەرگە بووە. لە هەموو نەبەردییەكانیدا پێشمەرگە بۆ ئازادی كوردستان و سەربەزری تاكی كوردستانی خۆی بەخت پێشمەرگە بە كردەوە و بە سەر وبەگیان سەلماندی كە نەك تەنیا بۆ كورد گیان لەسەر دەستە، بگرە بۆ هەموو كەمە نەتەوایەتییەكانی كوردستایش. لەوەش گرینگتر ئەوەیە كە پەیامی ئەمجارەی پێشمەرگە بۆ هەموو مرۆڤایەتییە، نەبەردیی پێشمەرگە لە جەنگەدا تەنیا بۆ كورد نییە، تەنیا بۆ كوردستان وعیراقیش نییە، بگرە گەر هەڵوەستەیەك تەنیا بۆ ماوەی چوارساڵی رابردوو بكەبن بینیمان كە پێشمەرگە لە جەنگی جیهانی تیرۆردا پەیامێكی مەزنی بۆ جیهان گەیاند، پێشمەرگەی كوردستان بۆ بەختەوەری و ئاسوودەیی هەموو مرۆڤایەتی خۆی بەخت دەكات، لە بەر ئەوە پێشمەرگە جێگەی شانازییە نەك تەنیا كوردستانە، بگرە جێگەی رێز و شانازی هەموو وڵات و هەموو كەسێكە كە ئەمڕۆ دژ بە تێرور وداگیركەران و تۆقاندن و كوشتار و زەوتكردن وەستاوەتەوە. ئەی پێشمەرگەی كوردستان پەیامتان ئەمجارە سنووری كوردستانەكەتانی بەزاند بۆ هەموو جیهان ... لە جەنگی ئەمجارەدا ئێوە قارەمانی هەموو بەشەریەتن، رزگاركەی هەموو مرۆڤێكن لە هەر سووچێكی ئەم جیهانەدابێت. پێشمەرگە، واتا كوردایەتی ، پێشمەرگە واتا لە خۆبوردەیی و خۆراگری رۆژ و شەوە سەختەكان و فیداكاری لە پێناو شكۆ و سەرفرازی نیشتیمان . بۆیە نابێ‌ چیتر كات بە فیرۆ بدەین و خاكی داگیركراو ومافەرەواكانمان بە زەوتكراویی بمێنەوە ..