گەندەلی ئەو ئێشە ئەوا ھەتا نھا چەندین دربێن مەزن و کوژەک ل وەلاتان داینە و د ھەمی بیاڤەکێ دا تایبەت ئابوری و ئیداری , ھندی دئێت ژی تایبەت ل وەلاتێن جیھانا سیێ گەندەلی بەرەف پێشترە ل گەل پێشکەفتنا سیستەمێ جیھانی و تەکنەلوجیایێ دا . د سەردەمێ حوکمرانیا کوردی ژی دا ئەوا گەندەلیێ ب کوردان کری ھەروەکی وێ بویە کو دوژمنان ب کوردان کری, تێگەھێ گەندەلی ئەوە کو مافێن گشتی ل بەرژەوەندیا تایبەت چو شەخسی بیت یان بنەمالەی و حزبی بێنە بکار ئینان. ئەڤی تێگەھی زور جاران ل کوردستانێ بازار بازارنێ و کلاف ل سەر گەلی کرن دئێتە کرن . ھەر سالا ١٩٩٢ بگرە کو ئێکەمین کابینا حکومەتا ھەرێما کوردستانێ ھاتیە دامەزراندن ھەتا نھا دەردێ حوکمرانیا کوردی گەندەلی بویە و چو ھیجەتەک ژی پێڤە ناھێنە گرتن .بەلێ تشتێ جھێ پرسیارێ ئەوە کو زورەک ژ بەرپرسێن ڤی وەلاتی ھەتا دفنێ ل گەندەلیێ کەفتینە , پشتی ھێلان یان دەست دانا پوستێ خوە ب ھەر ئاوایێ ھەی د وی دەمی دا دبیتە رزگارکەر و داخازیێن گەلی بو بەرژەوەندیا خوە بکار دئینیت کو بدیتنا من گەندەلیا دارایی سڤکترە ل گەندەلیا یاری کرن ب ئەقلێ تاکێ کوردستانێ .
تایبەتمەندیەکا ئەحزابێت کوردی ئەوە کو ئینشیقاق جار جار تێدا ریددەن و نھا ژی چەند ئالی توش بوینە و ئەو سەرکردێن خوە ب رزگارکەر و خوەدی فیکرددەن نیاسین , جارەک ھزر ژ وێ ئێکێ نەکریە کو ئەڤ گەلە دپرسیت پارێ تەلەفزیون و سایت و رادیو و روژناما ل کی ڤە دئێت ؟ ئەرێ ئەگەر ئەڤ وەلاتە ل گوپیتکا خرابیی و گەندەلیێ دایە , بوچی ل دەمێ ھەبونا تە ل وی پوستی , ئەڤ وەلاتە خراب نەبویە ؟ ئەڤە و چەندان پرسیارێن دیتر دئێنە کرن . چو کەسەک رێگر نینە ل داخازکرن و پێکول کرن بو دامەزراندنا حوکمەکێ رەشید و نەھێلانا گەندەلیێ کو مەترسیدارتر ل تیرورێ تێتە وەسفکرن. بەلێ ئەگەر ئەڤ یاریە بو بەرژەوەندیا کەسی و بنەمالەی و حیزبی بیت وی دەمی دووبارە کرنا ئەزموونا گەندەلیێ یە ب شێوازەکی دیتر . ئەو سەرکردێن کو ڤان پێکولان دکەن ھەرچەندە خوەدیێ دەھان مەلەفێن گەندەلیێ یێن مەزن و ئاشکران , بەلێ دبیت یاری پێکەر بن بو ئالیەکێ یان خوە ژبیرکری و یان یاریێ ب ئەقلێ خەلکی دکەن ! .
بدیتنا من یا تایبەت ئەڤ جورە کەسە باش دزانن ب پارێ ڤی گەلی گەھشتینە وان پلە و پوست و ئیمیتازاتان بەلێ خەلکی ب بێ فام و نەزان ددەنە نیاسین . ھوسا ھزر ل ھەبونا ڤی گەلی دکەن وەکی ئالاڤەکێ و ھەر جار بەرێ وان ددەنە یاریەکێ.
د نھا دا کو ماموستا و فەرمانبەر داخازا مافێن خوە دکەن , د جھێ ھندێ دا کار بو ئێکرێزیا مالا کوردی بێتە کرن پرانیا ئالی و ئەو کەسێن کو ئەڤ سیستەمە پشکەکە ل دیروکا وی ژی کەفتینە ھاندن و پالدان و دەست وەردان ل مافێن رەوایێن ماموستایان کو جھێ رێزێ نە فەرە ھەمی مافەک بو بزڤریت و بریارێن کێمکرنا پاشکەفتی ژی باشترین وەفایا سەروکێ حکومەتا ھەرێما کوردستانێ بو ب سوزێن خوە دەمێ دووپاتی ل سەر خوەشکرن و باشکرنا ژین و ژیارا فەرمانبەران کری ل دەمێ باشتربونا رەوشا دارایی و ھنارتنا مافێن کوردستانێ ل بەغدا دێ دەست کاریا رێژا پاشکەفتی کەین , ئەڤ بریارە جھێ دلخوشیێ ی بەلێ بھیڤا راکرنا ئەو پاشکەفتێ ھەیژی کو ماموستا و فەرمانبەر بگەھنە مافێن خوەیێن سادە . ئەڤە سوزا سەروک وەزیران و حکومەتا ھەرێما کوردستانێ بو . خونیشاندانێن ماموستایان ب ھیچ ئاوایەکێ نابیت ببنە جھێ بانگەشەیا ھەلبژاردنان .
لێرەدا چوارخالێن گرنگ ھەنە فەرە بێنە روون کرن :
١- ھەبونا گەندەلیا ئیداری و دارایی ل کوردستانێ ب رێژەیەکا زور کو ئەڤە چ ھیجەت بو ناھێنە گرتن و زیانێن مەزن ژی ل شیانێن ڤی وەلاتی داینە و نابیت ب ڤی ئاوای بەردەوام بیت . و ئەڤ گەندەلیە ژی نە بەرھەمێ حکومەتا نێچیرڤان بارزانی بتنێ یە , بەلکو سالا ١٩٩٢ وەرە حیسابە ھەتا ئیرو.
٢- ناڤبرنا گەندەلیێ ئەرکێ پەرلەمان و حکومەت و رێکخراوێن جڤاکی سڤیل و راگەھاندنانەو ئەرکەکێ نەتەوەی و ئاینی و نیشتیمانیە ژی .
٣- ب ھیچ ئاوایەکێ گەندەلەکێ خوەدی دەھان مەلەفێن دزی و قومار و بکار ئینانا مولکێ گشتی ئەڤرو ببیتە پاکساز و موسلحێ جڤاکی .
٤- ژ ناڤچونا گەندەلیێ پێتڤی ب بریارێن گرنگێن حکومەتێ ھەنە بوھندێ بشێت کار بکەت و ئەوێن بوینە ئەگەرێ ھندێ کوھاولاتی ھەست ب نەدادیا جڤاکی بکەن بێنە سزادان . ئەڤ چەندە ژی ل بریارا سەروکێ حکومەتێ ب ئاشکرا دەرکەفتی یە کو بریار ل سەر رێکخستنا موچێن خانەنشینان دایە و کو داھاتەکێ مەزن دێ بو حکومەتێ زڤریت .