ئەوەی كە دوێنێ‌ لە هەولێر روویدا وەكوو خۆی كە پێكهاتبوو لە نارەزایەتی دەربرینی بەشێك لە ماموەستایان ،شتێكی ئەرێنی و لە جێی خۆیەتی بۆ ئەوەی داوای مافی خۆی بكات لەو چوارچیوەیاساییەی كە بۆی دیاریكراوە بەڵام ئەوەی لە هەمووی سەیرتر ئەوە بوو هندەك ئەندام پارڵمانی ئەو خولەی پارڵمانی عێراق و هەرێمی كوردستان كە بۆ خولی دا هاتووش كاندید كراون تێكەڵ بە جەماوەر بوون بۆ ئەوەی لە ئاوی لیل ماسی بگرن.
كاتەك كە هوتاف كێشانی اللە و ئەكبەری ئەو ماموەستایەی كۆمەڵم بینی كە بۆ خولی داهاتووش كاندیده شەڕەكانی بەدر و ئوحۆدم بیر هاتەوە ئەو ماموستا بەرێزە ئەگەر توانای هەبوایە و یان جۆرئەتی بكردایە بەو شێوەبە لە هەمبەر عبادی و ئەمساڵی عبادی ئەو هەڵوێستە هەبوایە.
لە راستیدا ئەوەی كە دەبیت بوترێت ئەوەیە ئەگە ئەو جۆرە نارەزایەتی دەربرینە لە بەغدا و لە مەجلیسی نوێنەران بووایە ،ئەگەر لە چوار ساڵی رابرردوو لە بڕی خوێندنەوەی قورئانی پیرۆز لە حەرەمی پاڕلمان،لە بڕی دەست تێكەڵ كردن لە گەڵ ئەو كوتلەی شیعە و ئەمەی تریان شەڕیان بۆ بودجەو موچەی خەڵكی ماندوو و شەكەتی كوردستان بكردایە لە مێژە بوو كە ئەو كێشەیەش چارەسەر دەبوو.

فارس گۆتەنی ئیتر خەنەكەتان رەنگی نییە،خەڵكی كوردستان تێر بووە لەوەی كە فریوی قسە سواكانتان بخوات ،خۆ هەڵوێستەكانتان دیار و روونن ئیتر چ جێگەی ئەوە بێت باوەرتان پێ‌ بكەن.