هه‌ر د مێژوویا گه‌لێ كورد دا ژبلى كورد بخوه‌ دوژمنێن خوه‌ بووینه‌ و هه‌رده‌م بووینه‌ پشته‌ڤان بۆ دوژمنان بۆ ژناڤبرنا ئێك و دوو مێژوو دبێژیت كو كورد د هه‌موو قوناغێن ژیانێ دا هه‌رده‌م ب تراژیدیایێن جورا و جوردا ده‌رباز بووینه‌ وه‌كو ئه‌نفالكرن و زێندانكرن و كوشتن و ب ساخى بن ئاخكرن و ده‌ربه‌ده‌ركرن و سه‌رژێكرن تا دوماهیكێ ژبلى تراژیدیا چ تشته‌كێ دیتر ناهێته‌ دیتن.
جوگرافیا كوردستانێ دكه‌ڤیته‌ دناڤبه‌را چوار وه‌لاتێن درنده‌ و گرنگییه‌كا مه‌زن بۆ وه‌لاتێن زلهێزێن جیهانێ هه‌بووینه‌ و بۆ پاراستنا به‌رژه‌وه‌ندیێن خوه‌ كوردستان كره‌ چوار پارچه‌ و هه‌ر پاره‌چه‌ك دا وه‌لاته‌كى بۆ هندێ كوردان وه‌كو كارته‌كا فشارێ بۆ به‌رژه‌وه‌ندیێن خوه‌ بكاربینیت.
وه‌كو یا دیار سه‌رۆكێ حكومه‌تا هه‌رێما كوردستانێ نێچیرڤان بارزانى چه‌ندین جارا بزاڤكرینه‌ بۆ هندێ دگه‌ل حكومه‌تا به‌غدا هه‌موو كێشه‌ و ئاریشان چاره‌سه‌ر بكه‌ت، به‌س هه‌موو سێشه‌مبیا عه‌بادى دبیته‌ بێژه‌رێ تله‌ڤزیونێ و سوزێن عه‌بادى وه‌كو دره‌وێن نیسانێ لێ هاتیه‌! و وه‌كو رۆیڤیان یاریان ب هه‌ستێن وه‌لاتیان دكه‌ن بۆ نموونه‌ چه‌ندین جاران گوتیه‌ دێ به‌رى نه‌ورۆزێ مووچێن فه‌رمانبه‌رێن وه‌زاره‌تا په‌روه‌ردێ و وه‌زاره‌تا ساخله‌میێ ده‌ین ئه‌ڤ هه‌موو ده‌ركه‌فتنه‌ و یاریكرنه‌ ب وه‌لاتیێن هه‌رێمێ و ئه‌ڤ پارێ حکومەتا ئیراقێ بۆ مووچەیێن ھەرێمێ ھنارتی، بەرۆڤاژی ھەموو سۆز و دانوستاندنێن حکومەتا فیدرالن یێن پێشتر راگەھاندین.
بەغدا ب تنێ کۆژمێ 281 ملیار دینار ھنارتینە کو سەرۆکوەزیران د بودجەی دا دیار کرینە، د گەل ھەشت ملیار و 350 ملیۆن دۆلاران بۆ پێشمەرگەی.
ئەوا حکومەتا بەغدا کری دوپات دکەت کو ئەو دخوازن بابەتێ مووچەیان وەکو کارتەکا سیاسی بکاربینن، ئەرکێن خوە یێن دەستووری ژی ھه‌مبەری مووچەخۆرێن ھەرێمێ بجھـ نەئینیت.
عه‌بادى و هه‌ڤشێوه‌یێن وى ئه‌و مرۆڤن كو ب كوشتنا و سزادان و برسیكرنا وه‌لاتیێن هه‌رێما كوردستانێ دلخوه‌ش دبن و چ جارا وان نه‌ڤێت وه‌لاتیێن هه‌رێما كوردستانێ ب ئازادى و ب ئارامى بژین.
مه‌ره‌ما عه‌بادى یا سه‌ره‌كى ب ڤێ یاریكرنێ ئه‌وه‌ كو وى دڤێت وه‌لاتیان و حكومه‌تا هه‌رێما كوردستانێ بكه‌نه‌ دوژمنێن ئێك و ئاریشان بۆ هه‌رێما كوردستانێ درۆست بكه‌ت و مخابن تا نوكه‌ ژى هنده‌ك لایه‌نێن سیاسى باوه‌ر ژ سوزێن عه‌بادى دكه‌ن و هه‌رێمێ گونه‌هبار دكه‌ن.
ل دوماهیكێ یا گرنگه‌ ب جدى ده‌ست ب كرنا چاكسازییان د هه‌موو بیاڤان دا بهێته‌كرن و كار بهێته‌كرن بۆ نه‌هێلانا گه‌نده‌لیێ و سزادانا گه‌نده‌لكاران ب رێكێن قانوونى و دیسان كورد هه‌مبه‌رى بزاڤیێن به‌غدا یێن دوژمنكارانه‌ ب ئێك ده‌نگ ب راوه‌ستن.