به‌رهه‌مێ ئه‌م به‌رهه‌ڤى دانوستاندنانینه!
ساڵح زاهێر زێباری
مه بڤێت و نه‌ڤێت ریدانێت شازدێ ئوكتوبه‌رێ بالانسێ هێزێ بلایێ حكومه‌تا عیراقێ ڤه شكه‌ست و تایبه‌ت پشتى وێ بێ ده‌نگیا هێزێن جیهانى و ده‌ست تێكهه‌لكرنا وه‌لاتێن ئیقلیمى ل گه‌ل به‌غدا دژى هه‌رێمىو ئه‌و ناكوكیێن كو گوره‌پانا سیاسى یا هه‌رێمێ ڤه‌گرتى و ئه‌و خوه بێ هژماركرنا هنده‌ك ئالییان و خوه ئێخستنه بن چه‌نگێ خزعه‌لى و عامر و سلێمانى.هندى دیتر غرورێ سه‌ركردێن به‌غدا گرتن و دانوستاندن ره‌دكرن. به‌لێ ب وى نه‌هجێ دبلوماسى یێ حكومه‌تا كوردستانێ گرتیه به‌ر بوچاره‌سه‌ریا هه‌مى ئاریشێن هه‌یى ناڤبه‌را هه‌ولێر و به‌غدا دیف ده‌ستورێ عیراقێ و ب ئێك پاكێچ.هه‌مى هاوكێشه گوهرى و ئه‌و بێنا شه‌رى و باریتێ گوهرى بو رینشتنێت دوو ئالى و سه‌ره‌دان و په‌یوه‌ندى و چاره‌سه‌ركرنا ئاریشاندیف خوه دا ئینا. ل داویى پێنگاڤ ژى بریارا سه‌روك وه‌زیرێن عیراقێ عه‌بادى بو سه‌باره‌ت راكرنا دوورپێچا سه‌ر فروكه‌خانێن كوردستانێ ,و هنارتنا مووچێن وه‌زاره‌تێن په‌روه‌رده‌و ساخله‌میێ یه , پشتى ب داویى هاتنا هویربینكرنا وان و ئه‌و ئاسانكاریێن كو حكومه‌تا كوردستانێ بو لێژنێن به‌غدا كرى.
ئه‌ڤ بریاره ده‌ستپێكه‌ك باش بون بو دووباره ڤه‌گه‌راندنا باوه‌ریێ و ده‌ست ڤه‌ئینانا پشته‌ڤانیا نێڤده‌وله‌تى و به به‌ره‌ف پێش برنا په‌یوه‌ندیێن هه‌ردوو ئالیا و چاره‌سه‌ركرنا ئاریشێن ناڤبه‌را هه‌ولێر و به‌غدا.ئه‌ڤ چه‌نده ژى ل هه‌لویستێ سه‌روكێ فه‌ره‌نسا ئیمانوێل ماكرونى دیار بو ده‌مێ ل تویته‌كێ دا پشته‌ڤانیا خوه بو نێچیرڤان بارزانى و حه‌یده‌ر عه‌بادى دیار كرى بو چاره‌سه‌ركرنا ئاریشێن ناڤبه‌را وان دا و دلخوشیا خوه ژى دیار كر ب راكرنا دورپێچا ل سه‌ر فروكه‌خانه‌یێن هه‌رێمێ ژى, ل ئالیێ خوه ڤه ژى ئه‌مریكا پێشوازى ل ڤێ بریارێ كر و دلخوشیا خوه دیار كر.
ل ده‌ستپێكا كێشێن ڤێ داویێ سه‌روك وه‌زیرێن كوردستانێ به‌رده‌وام دگوت ئه‌م ل گه‌ل چاره‌سه‌كرنا ئاریشاینه ب رێكا ده‌ستورێ عیراقێ و ب وى مه‌رجى كو ده‌ستور وه‌كى خوه بێته جێ به‌جێ كرن , هه‌رده‌م دگوت ئه‌م به‌رهه‌ڤى دانوستاندناینه ل گه‌ل به‌غدا و هیڤى دارین به‌غدا ژى بێته پێش.ب دبلوماسیه‌تا سه‌ركه‌فتى و دووپاتیكرن ل سه‌ر جێ به‌جێ كرنا ده‌ستورێ عیراقێ و به‌رده‌وام به‌رهه‌ڤى دیاركرن بو دانوستاندا ل گه‌ل به‌غدا و سه‌ره‌دان و رینشتن ل گه‌ل عه‌بادى ,نێچیرڤان بارزانى شیا پشته‌ڤانیا نافخوى و هه‌رێمى و نێڤده‌وله‌تى بده‌ست بینیت و هه‌مى ژى گڤاشتنا ل به‌غدا بكه‌ن بو ده‌ستپێكرنا دانوستاندنێن بێ مه‌رج و لادانا هه‌مى بریارێن دژى كوردستانێ هاتینه ده‌ركرن.ب ڤى ره‌نگى بژارده‌یا ئاشتى و دبلوماسیه‌ت و جێ به‌جێ كرنا ده‌ستورى و پاراستنا خوینا گه‌نجێن كوردستانێ و عیراقێ و وه‌رگرتنا مافێن خه‌لكێ كوردستانێ و ب رێكا ده‌ستورى و پاراستنا كیانێ سیاسى و ده‌ستورى یێ هه‌رێمێ ب سه‌ركه‌فت ل سه‌ر بژارده‌یا شه‌رى و نه‌هێلانا كوردستانێ.
گرتنا فروكه‌خانێن كوردستانێو ده‌رازینكێن سنورى و دورپێچا ئابورى هه‌مى به‌رهه‌مى ئه‌قلیه‌تا شوڤینى و ره‌تكرنا مافێ كوردستانیا و ب پله دوو هژمارتن بو . به‌لێ دبلوماسیه‌تا سه‌ركه‌فتى یا حكومه‌تا هه‌رێما كوردستانێ هه‌مى ئه‌و پیلان ژ ناڤبرن ل گه‌ل پاراستنا ئه‌نجامێن ریفراندومێ كو لادانا ئه‌نجامان مه‌رجێ سه‌ره‌كى یێ به‌غدا بو كو ل گه‌ل كوردستانێ دانوستاندنان بكه‌ت . ده‌ست كرن ب چاره‌سه‌كرنا وان ئاریشێن هه‌یى ل ناڤبه‌را هه‌ولێر و به‌غدا كو ژییه‌ك درێژ هه‌ى و بریارا راكرنا دورپێچا ل سه‌ر فروكه‌خانه‌یێن كوردستانێ و بریارا هنارتنا موچه‌ى به‌رى نه‌وروزێ و ئه‌و پشته‌ڤانیا نێڤده‌وله‌تى بو ڤان پێنگاڤان و بو حكومه‌تا هه‌رێما كوردستانێ , بیرا مه ل وێ گوتنێ دئینیت (ئه‌م به‌رهه‌ڤى دانوستاندناینه ل گه‌ل به‌غدا ), نها ئه‌نجام دبێژیت كى رول ل چاره‌سه‌ریا ئاریشان هه‌بو و سه‌ره‌رایێ پاراستنا كیانێ كوردستانێ.
