خەڵكی كوردستان ئیتر بە هیچ شێوەیەك ئامادە نییە ، متمانە بە رژێمی ستەمكار و داگیركەری بەغدا بكات . بۆیە چیتر نایهەوێت پاشكۆ و ژێر دەست بژیت . هەر ئەوەش وایكرد كە رۆژی 25/9 كە كورد بە رێبەرایەتی پێشمەرگە، مسعود بارزانی سەركەوتنی بەدەستهێنا ، سەركردە عێڕاقیەكان بەبێ جیاوازی كەوتنە بڕیاردان و قسەكردن دەربارەی كورد كە سەرجەم بڕیارەكانیشان نابەجێ بوون، بەمەش نەوەستان بەهاوكاری دەستێكی ناوخۆ كە بەرپرس بوون لەچەندلایەنەكی سیاسی ناوچەكێشەلەسەرەكانییان داگیركرد پاشان گەماڕۆی ئاسمانی و زەمینیان خستەسەركورد .پشكی كوردیان داشكان لەبوددجەی عێڕاق، ریفراندۆمییان بەنادەستوری لەقەلەمدا و داوای هەڵوەشاندنەوەشی دەكەن بەمەش نەوەستاوە داوای دەستگیركردن و لێ پێچینەوە دەكەن بۆ هەندێ كەسایەتی و بەرپرسی كورد كەسەر پەرشتیار و بەشداری ریفراندۆمی سەربەخۆییان كردوە. بۆسەرخستنی هەوڵەكانیشیان گەلی كورد تا ئێستاش بەشێكن لەعێڕاق برسی و زەلیلی دەكەن لەگەل لێسەندنەوەی سەرجەم مافەكانییان. بەوسەركردە عێراقی و سیاسات مەدارانەیان دەڵێم كەی؟ دووخاكی جیاواز دووگەل و زمان و كلتوری جیاواز یەك دەگرن و دەبن بەیەك پارچە؟، تائێستا بەرێكەوتنی سیاسی نێو دەوڵەتی بوبێت یان ناوخۆی لەگەل یەكدا هەلیان كردوە بەڵام ئێستا كورد، كوردە وعرەبیش عرەب، كوردستان دەوڵەتئێكە كە لەداهاتوو بەناچاری عێراق و جیهان دانی پێدا دەنێن، بۆیە پێویست ناكات لەمە یاتر سەركردە عێڕاقیەكان بەناحەقی بدوێن و بەناشارەزای بڕیاربدەن تایبەت پیداچونەوەیەك بكەن بەوقسانەی دەی كەن و وەئەو بڕیارانەی داویانە و دەی دەن .سەبارەت بە رەمزو تێكۆشەرانی كورد كە یەك لەوان پێشمەرگە و سەركردە و دڵسۆز و خەم خۆری كورد بەرێز مەسعود بارزانی ئەو كەسایەتیەی كە هەموتەمەنی خۆی بۆكورد و هێنانەدی ئامانجەكانی تەرخانكردوە . كە گشت پرسیش یەكێكە لەشانازیەكانی ئەوكەسە مەزنە كە ئاواتی هەموو كوردە، بۆیە دەبێت هەمومان رێز لەوكەسایەتیە مەزنە بگرین و وەعێڕاقیش لەبیرنەكات كەچ دڵسۆزیەكی بۆیان نواندوە پێویست ناكات چیتریش خۆمان بەگشت پرسیەوە سەرقاڵ بكەین 25/9 بوو بەمێژوو، ئامانجی خۆی پێكا فەرمون لەسەرمێزی گفتوگۆ هەموكێشەكان چارەسەربكەن،عێراق بەردەوام خۆ لەو دەستوورە دەدزێتەوە و جێبەجێ ناكات، كە تا ئێستا زیاتر لە 56 ماددەی دەستووری لەلایەن حكوومەتی عێراقەوە پێشێل كراون، ئەوەی هەرێمی كوردستانیش داوا دەكات جێبەجێ كردنی دەستوورە، چونكە تەنیا ڕێگەیە بۆ ئەوەی بەغدا و هەولێر بە یەكەوە كێشەكانیان چارە بكەن، بەڵام ئەگەر وەكو جاران دەستوور هەر بەلاوە بنرێت كێشەكانیش هەر بەردەوام دەبن و چارەكردنیان قۆرستر دەبێت.بڕێكی زۆر لە بوودجەی عێراق بۆ حەشدی شەعبی تەرخان دەكرێت، بێ ئەوەی یەك دینار بۆ هێزی پێشمەرگە تەرخان بكرێت، ئەمە لە كاتێكدایە كە هێزی پێشمەرگە بەشێكە لە سیستەمی بەرگری عێراق و بەپێی دەستوور دەبێت عێراق ساڵانە مووچەی هێزی پێشمەرگە بدات، بەڵام لە ساڵی 2007ـەوە تا ئێستا یەك دیناری بۆ هێزی پێشمەرگە تەرخان نەكردووە، كە ئێستا زیاتر لە 16 تڕلیۆن دینار حكوومەتی عێراق قەرزاری پێشمەرگەیە، لەگەڵ ئەوەی لە رووی چەك و تەقەمەنییەوە تا ئێستا هاوكاری هێزی پێشمەرگەی نەكردووە و ڕێگەش نادات وڵاتانی جیهان هاوكاری پێشمەرگە بكەن.ئەگەر عێراق دەستوور وەكو خۆی جێبەجێ بكات، ئەوە لە بەرژەوەندی هەرێمی كوردستاندایە، چونكە بەپێی دەستوور هەموو كێشەكانی نێوان هەولێر و بەغدا چارە دەبن و چی دیكە مافی كورد پێشێل ناكرێت و ناوچە كوردستانییەكانی دەرەوەی هەرێم، دەگەڕێنەوە سەر كوردستان، هەر لەبەر ئەوەش هەرێمی كوردستان بەردەوام تەئكید لە جێبەجێ كردنی دەستوور دەكاتەوە، بۆ ئەو مەبەستەش هەرێمی كوردستان ئامادەیی خۆی دەربڕیوە كە بەپێی دەستوور ئامادەیە كێشەكان لەگەڵ عێراق چارە بكات، ئەگەر بەغدا نیەتی ئەوەی هەیە بەپێی دەستوور كێشەكان لەگەڵ هەولێر چارە بكات، بەڵام لەگەڵ ئەوەش بۆ هەر گفتوگۆ و دانوستاندنێك لە نێوان هەولێر و بەغدا دەبێت لایەنی سێیەم بەشدار بێت لە دانوستاندنەكان و ئەو گفتوگۆیە بە ئاگاداری كۆمەڵگەی نێودەوڵەتی بێت و ئەوان حەكەم بن لەم بەینە، ئەگەرنا هیچ ڕێككەوتنێك سەر ناگرێت.بۆیە گەر كورد ریفراندۆمی بكردایە و نەكردایە، ئەوا شەرٍی داعش ،پیلانی هێرش و داگیركاری كوردستانی دواخستبوو ،ئەگینا لەمێژوو ئەو پیلانە شوومەی بۆ سرٍینەوەی قەوارەی هەرێمی كوردستان جێبەجێی دەكرد . بەڵام ریفراندۆمی سەربەخۆیی سەڵماندی كە ئیتر داگیركەران وبەغدا خەیاڵیان خاوە جارێكی تر مەرٍامە شوومەكانتان جێبەجێی بكەن. گەر بگەرێینەوە بۆ سەردەمی لوتکەدەسەڵاتی سەدام حسین و پشتگیری سنورداری نەتەوە یەکگرتوەكان بۆی تێدەگەین لەوە كەی بوو خاڵی كۆتایان بۆ سەدام دانا. هەر لەو كاتەی كە سەدام حسین دەستی گرت بەس كویت لە( 2 ئابی 1990 ) ڕاستەوخۆ كۆمەڵگای نێودەوڵەتی پشتی لەهاوپەیمانیتی و پشتگیری كردنی سەدام حسین کرد، ئەمەش دوای ئەوەی غروری سەدام گەیشتبووە لوتکە دەسەڵاتی. هەر لەو كاتیەی وەزیری دەرەوەی ئیدارەی جۆرج بۆش بە (تاریق عەزیزی) ڕاگەیاند باشتر وایە لە كوێت بكشێنەوە، عەزیزی هەمان غروری چەشنی سەدام حسئن بە (جیمس بیكەری) گوت لەگۆرەپانی شەر وەڵامتان دەدەینەوە، بەم شێوەی عێراق توشی كارێك هات تاوەكو ئێستاش توانای هەستانە سەرپێی خۆی نیە.
هەمان شیوە لەدوای خیانەتەكەی 16ی ئۆكتۆبەری ساڵی ساڵی رابردوو بەشیكی زۆر سەرۆك وەزیران و وەزیرانی بەرگری و دەرەوەی وڵاتان هاوپەیمانان ئەم پیامەیان ئاراستەی عبادی كرد، عبادی بەهەمان چەشنی تارق عەزیزی وەڵامی هاوپەیمانانی داوەتەوە .وەك چۆن وەلامی عەزیزی و غرویەتی سەدام حسێن بوونە مایەی كاولكاری بۆ عێراق و دواجاریش بە رزگار بونی كویت كۆتای هات، ئەم غرورەی عبادیش هیچی كەمتر نابیت لەوەی بەسەر سەدامیان دا هێنا و بەسەر بەخۆی و رزگاربونی كوردستانیش كۆتایی دێت. لە قۆناغەكانی ئەنجامدانی هەلبژاردنركانی كوردستان و عیراقیش بەهەمان شیوە خاینەتكاران و هاو ئاوازەكان و ئەوانەش كە چەند ڕۆژێك دوای داگیركردنی خاكی پیرۆزی كوردستان خۆیان خستە بەردەم لیێشاوی شۆڤینیانەی دەسەڵاتی حەیدەر عبادی و بێ شەرمانە داوای مامەڵەكردنی راستەوخۆی عێراق لەگەڵ پاریزگاكان كرد و نە هێلن كورد وەك كیانیكی سەربەخۆ بمێنێتەوە سزابدەن، دایان مالن لە هەبونی دلۆپیك لە دەسەلات, چۆن بۆ ڕای گشتی و دەرەوەش روون بوەوە كە تاكە لایەن كە پشتی نەكردوەتە خواستی سەربەخۆی و بۆ ساتێکیش بێت سڵی نەكردوەتەوە لە وەدەست خستنی ماف و قوتی خەڵك و لەهەمووی گرینگتر پاراستن و مانەوەی كورد وەك كیانیكی سەربەخۆ. پارتی دیموكراتیی كوردستان حزبێكی نەتەوەیی و پارتیكی سەربەخۆیی خوازە و سەركردەكەشی وەك سەرۆكی سەربەخۆی خوازانی كورستان نامزەند كراوە ئەویش پارتی دیموكراتی كوردستانە كە بەسەركردایەتی جەنابی سەرۆك بارزانی و رێبەرایتی و پیشرەوی و كوردستانیان دەكەن بۆ وەگەر خستنی سەربەخۆیی و گەیشتن بەرەو سەرفرازی و سەركەوتن .