نێچیرڤان بارزانى پێگه‌هێ هه‌رێمێ ل باژارێ میۆنشن بهێزتركر!
به‌ده‌ل گابێركى
پشتى سه‌ره‌دانا وه‌زیرا به‌رگرییا ئه‌لمانیا (ئۆرسۆلا ڤۆندێرلاین) و وه‌زیرێ ده‌رڤه‌یێ فه‌ره‌نسا (جان ئیڤ لودریان) بۆ هه‌رێما كوردستانێ ب ئێكه‌م پێنگاڤا شكاندنا ئابلۆقه‌یا سیاسى و دبلۆماسى دهێت ل سه‌ر هه‌رێما كوردستانێ و ڤان سه‌ره‌دان و دیداران ره‌نگڤه‌دانه‌كا مه‌زن هه‌بوو هه‌م ل سه‌ر ئاستێ جیهانێ و نافخوه‌یا عیراقێ.
پاشا سه‌رۆكێ حكومه‌تێ نێچیرڤان بارزانى ب بانگهێشنامه‌كا فه‌رمى سه‌ره‌دانا وه‌لاتێ ئه‌لمانیاكر به‌شدارى د كونگره‌یا ئاسایشێ ل باژارێ میونشێنێ دا كر و د ئێکەم رۆژا کۆنگرەیا میونشنێ دا، شاندا ھەرێما کوردستانێ چەندین کۆمبوون دگەل وەزیرا بەرگرییا ئەلمانیا و تیمەکا وەزارەتا دەرڤە یا وی وەلاتی و وەزیرا دەرڤە یا نەرویجێ کرن.
کۆنگرەیا میۆنشن ل باژارێ میۆنشن یێ ئەلمانی کو ب پایتەختا باڤارییان دھێتە نیاسین دەستپێکر و ژمارەکا سەرکردەیێن جیھانی ژی پشکدارن، ژ وانژى سه‌رۆكێ حكومه‌تا هه‌رێما كوردستانێ ژى یێ پشكداره د وى كونگره‌یى دا، نێچیرڤان بارزانی د ئێکەم رۆژا کۆنگرەیا میۆنشنێ دا د گەل ئۆرسۆلۆ فۆن دێرلاین وەزیرا بەرگرییا وی وەلاتی کۆمبوون، د وێ کۆمبوونێ دا وەزیرا بەرگرییا ئەلمانییا پشتەڤانییا وەلاتێ خوە بۆ ھێزێن پێشمەرگەی دوپاتکر و گۆت: پەیوەندیێن وەلاتێ وێ دگەل ھەرێما کوردستانێ د ئاستەکێ بھێز دانە و دێ به‌رده‌وام بن دگه‌ل حكومه‌تا هه‌رێما كوردستانێ.
ھەر د چوارچووڤەیا کۆنگرەیا میۆنشنێ دا سەرۆکوەزیرێ ھەرێمێ دگەل تیمەکا وەزارەتا دەرڤە یا ئەلمانیا ب سەرۆکاتییا ڤالتەر لیندنەر سکرتێرێ دەولەتێ ل وەزارەتا دەرڤە یا ئەلمانیا و ئینە ماری ئیرکسن وەزیرا دەرڤە یا نەرویجێ کۆمبوو.
پاشان سه‌رۆكێ حكومه‌تا هه‌رێما كوردستانێ نێچیرڤان بارزانى هه‌ر د د چارچووڤێ کۆنگرێ ئاسایشا جیھانی دا ل میۆنشن، دگەل سەرۆکوەزیرێ ئیراقێ و شاندەکا وەلاتێ کوێتێ و جۆبایدن جێگرێ سەرۆکێ بەرێ یێ ئەمریکا کۆمبوو، د وێ كومبوونا دگه‌ل حه‌یده‌ر عه‌بادى چه‌ندین بابه‌تێن گرنگ هاتینه باسكرن وه‌كو ڤه‌كرنا فرۆكه‌خانه‌یێن هه‌رێما كوردستانێ و پرسا فرێكرنا مووچه‌یێن فه‌رمانبه‌رێن هه‌رێمێ و چه‌ندین بابه‌تێن دیتر.
هه‌ر ژ وان كومبوونێن گرنگ یێن نێچیرڤان بارزانى د چوارچووڤەیا کۆنگرەیا میۆنشنێ دا دگه‌ل وه‌رزیرێ ده‌له‌تا بریتانیا (ئه‌لیسته‌یر بۆرت) بۆ كاروبارێن رۆژهه‌لاتا ناڤه‌راست و دوێ كومبونێ دا ئه‌لیسته‌یر باس ل گرنگییا هه‌رێما كوردستانێ و بهێزكرنا په‌یوه‌ندییان دگه‌ل هه‌رێمێ كر د هه‌موو بیاڤاندا.
دیسان بارزانى دگه‌ل پێته‌ر هه‌لتكڤیست وه‌رزیرێ به‌رگرییا سوید كومبوو و باس ل هه‌ماهه‌نگیێ كر دناڤبه‌را هه‌رێمێ و سوید ب تایبه‌تى دبیاڤێ ئاسایشێ دا.
ل دماهێكێ ئه‌ڤ كومبوونێن نێچیرڤان بارزانى د چوارچووڤەیا کۆنگرەیا میۆنشنێ دا دێ چه‌ندین ده‌رئه‌نجامێن باش بۆ هه‌رێما كوردستانێ هه‌بن ب تایبه‌تى دبیاڤێ ئاسایشا هه‌رێما كوردستانێ و پتر بهێزكرنا پێگه‌هێ هه‌رێمێ.
