ھەر ژ روژا عیراق دروست بوی ل سێ ویلایەتا ل سالا ١٩٢١ و دیڤدا ل سالا ١٩٢٥ ویلایەتا موسل کو دکەتە کوردستانا باشور ب رەسمی بێ پرسا کوردان بو دەڤەرەک سەر عیراقێ و ل سالا ١٩٣٢ و پشتی عیراق بویە ئەندام ل (کومەلا گەلان - عێبە الامم ) خوە دی سەروەریەک شەلەلی و ھەتکری . سوز ب گەلێ کورد ھاتن دان کو مافێن وان دپاراستن بن ژ ھەمی ئالیەکێ ڤە و کورێن ڤی وەلاتی نە بێ جوداھی و وەکی دندکێن شەیی دیەکسانن! و ئەڤ چەندە ھەر ل بەلگەنامێن برێتانی دیار دبن وەکی وەلاتێ داگیرکەرێ عیراقێ و ھەم ژی ل سوز و پەیمانێن سەردارێن بەغدا ژی دیار دبن . ھەر کەسەک دیروکا کوردستانێ یا نو ھەفچەرخ بخینیت کو ل سالا (١٩١٤) دەست پێدکەت کو دەردێ کوردان چیە و چ دەرمانەک دڤێت ڤی دەردێ ئەزەلی کو ھەر ژ دایک بونا عیراقێ پەیدابویە . دەمێ سەروکێ ھەرێما کوردستانێ ل رێورەسمێن ساخکرنا یادا (٣٤) جینوسایدا بارزانیان دیارکری کو ( ریفراندوم کارتا گڤاشتنێ نینە و خەلکێ کوردستانێ دێ ل ٢٥ - ٩ بریارا خوە دەت و تنێ دەرمانێ برینێن کوردان ئەوە بەرەف سەربەخویێ بچن ) . لێرە دا چەند دەردەکێن ڤێ عیراقێ دێ بەحس کەین کو بویە ئەگەرێ ھندێ کو چ جارا نەشێین پێکڤە بژین وەکێ نێچیرڤان بارزانی سەروکێ حکومەتا ھەرێما کوردستانێ چەندین جاران راگەھاندنێ (ئەم نەشیاین ببینە شەریکێن ھەفپشکن لە عیراقێ دا , بلا ببینە دوو جیرانێن باش ) . ئەرێ راستە ئەم نەشێین ببینەڤ ھەفپشک ؟ ئەرێ ئەو چ دەردەن ئەڤ عیراقە گرتی ؟ ئەرێ دەرمان چیە ؟ و حکومەتا ھەرێما کوردستانێ چ بکەت بو ھندێ ل ڤان دەردان دەرباز ببیت ؟
ئەڤرو نینە دەردێ کوردان دەستپێکری ھەر ژ دەستپێکا سەد سالا بیستان ل گەل عیراقێ دەستپێکر و ھەتا نھا ژی بەردەوامە , ب ڤی ئاوایێ :
- دەردێ کوردان ھنگی دەست پێکر دەمێ نەتەوەکێ دی ژ بلی وی بریارا دا !
- ئەو دەرد بو دەمێ سالا ١٩٢٥ بێ مەرحەبا ویلایەتا موسل ئانکو باشورێ کوردستانێ بەرامبەر نەفت و وەلائ و سیاسەت و سەرشوری ھاتە تەسلیم کر ب کورێ حیجازێ .
- ئەو دەرد بو دەمێ سەرکردێن کوردا دەربەدەر بون بو بیابانێن ھشک و نیودلھی و موسکو ...
- ئەو دەردبو دەمێ عیراق بویە نونەرێ گەلەکێ کو باوەری پێنەبیت !
- نێ دەرد ھەرئەو نیە بچیە دکتوری , ئەو دەردە بو دەمێ ھێزێن ئێنگلێزێ ل ئاسمانی و یێن عیراقێ و (ھێزێن لیڤی ) ل ئەردی ھێرشی بازیان و سولیمانی و بارزان دکر .
- ئەو بو دەرد دەمێ رەگەزنامە ب زورەک ژ کوردان نەھاتیە دان ب ھیجەتا ( تبعیە الایرانیە ) .
- ئەو بو دەرد دەمێ حکومەت دبو پالێ پیشی و عشیر چکدار دکرن وەکی ھێزێن ( جەنجەوید) .
- بەلێ دەردی ھنگی جھێ خوە بەرفرەھکر دەمێ ل ( سەعەد ئاباد ١٩٣٧) خو ئەفغانستان ژی بیە جوقێ (عیراق و ئیران و تورکیا ) ب ھەمی شیان دژی کوردان راوەستان .
- گەلو ئەڤرو نینە دەردی ل کەلخێ گەنی دای کو ب ( بوابە شرق ) دھاتە نیاسین . و فروکان ب ھەمی شیان مەدەنی ل کون و کوژیێن ڤی وەلاتی توپ باران دکرن .
- قوربان چو ھیجەت ناھێنەگرتن , وی دەمی دەردی دەست پێکر کو شەش سالیێن مە ( ئێک ب واحد و وەرە ب تعال ) دخاند .
- بەلێ ئەو دەرد بو دەمێ ل جھێ شال و شەپک و دەرسوکێ بیە عەگال و دشداشە .
- ئەو دەرد و سەرتان بو دەمێ برایێن دایک و بابی و یێن شیری و یێن ئاخ و وەلاتی و دین و مەزھەبی ب پارێ نەفتا بابەگورگور دھاتن کرین وەکی سەیێن ھار بەرببونە چیا و دولێن وەلاتێ من , بەلێ .
- بەلێ ئەڤرو نینە ئەم دزانین مان ل گەل عیراقێ درێژە دانە ب دەردێ گران . ئەو دەرد بو دەمێ کو ئاڤا شرینا کوردستانێ ل سەر ئاخا کوردستانێ دەرباز دکر بو کەسک و شینکرنا بیابانا.
- ئەم دزانین کو دەردە عیراقی بون , ژ بەرکو ھەمی داھات ل دەڤەرا تەیە و خەرجی ل باشور و ناڤین و ھێزا چەکدارە ب دەھان ناڤێن درەوین .
- ل وێ دەردتر ل گەل عیراقێ بی , ئەز مروڤ و عەرەب مروڤ , بەلێ ئەو مەزن و ئەز بچیک و ئەو ل خوشیێ و ئەز ل نەخوشیێ و ئەو ل پێش و ئەز ل پاشە . ئەڤەیە دەرد قوربان .
- بەلێ ئەو دەرد کو تو ببیە خوەدیێ دیارکرنا پلەیێن کوردبونێ . کوردێ باش و کوردێ خراب . باشی و خرابی ل سەر پرنسیپێ خولامینی و کوێلاتیێ بەند قوربان .