ھەرچەندە ل دەسپێکا پێک ئانینا ڤێ کابینا حەفتێ حکومەتا ھەرێما کوردستانێ ل ١٨ ێ خزیرانا سالا ١٠١٤ ژبەر پشکداریا پرانیا پارتیێن کوردستانی ئۆمێدا ئێکرێزا حزبێن کوردستانێ بۆ خەلکی درۆست کر ، لێ زۆر پێ نەچوو ناکۆکی دژوارتر بوون و ئەو رێکەفتنا کابینە لسەر ھاتیە پێک ئینان ژلایێ پارتی دیموکراتی کوردستان ب ئێک لایەنی ھاتە ھەلوەشاندن و سەرۆک پەلەمان و وەزیرێن لسەر لیستا گوڕان لسەر کارێن وان ھاتنە دوورکرن ، ژبەرکۆ بزاڤا گوڕان ل بنەمایێن رێکەفتنێ لادا و پەرلەمان بۆ مەرەمێن حزبی بکار ئینا ، پشتی بریارا سەرۆکێ ھەرێما کوردستانێ ب پالپشتیا پرانیا پارتیێن کوردستانێ پریارا راپرسیێ لسەر سەرخۆبوونا کوردستانێ دای ، ھەول و دەسپێشخەری دھێنە دان بۆ درۆستکرنا گۆدەنگیا سیاسی لسەر پرسا راپرسیێ ، لێ بزاڤا گوڕان ڕک چوویە و مەرجێن گران و نە دجھێ خودا دادنێت وەک گۆڕینا یاسایا سەرۆکاتیێ و گرێدانا سەرۆک پەرلەمانی ب سەرۆکایەتیێن دیتر کو نەھێ،ە بجە ئینان و لدیڤ بانگەوازیێن سەرۆکێ ھەرێمێ و پارتیێن دیتر بەشداری کۆمبوونێت لایەنێن سیاسی نەکریە . ھەر حزبەک یا ئازادە بەشداری کۆمبوون و رێکەفتنان ببیت یان نە , یان ھەر پارتیەکێ پرۆژە و بەرنامێ خۆ یێ سیاسی و ئیداری ھەربیت. لێ چ حزبێن کوردستانە د ئازاد نینە ماف و ئارمانجێن نەتەوی و و نشتیمانی بکەنە قوربانی بەرژەوەندێن بەرتەسکێن حزبی . راستە بۆ گەلێ کورد نەخاسمە دڤان کاودانان دا زۆر گرنگە ھەمی ئالیێن سیاسی یێن کوردستانی ئێک گۆتار و پرۆژێن نەتەوی بن چونکی بزاڤا رزگاریخوازیا کوردی و ھەرێما کوردستانێ ب گشتی د دەروازا گورانکاری و بەرەڤ قوناغەکا مەزنتر دایە ئەوژی قۆناغا راپرسی و سەرخۆبوونا کوردستانێ . راپرسی بۆ سەرخۆبوونا کوردستانێ پێتڤیەکا دیرۆکی و فەرە داکۆ ھیڤیا دێرینا گەلێ کورد و شەھیدێن ژپێخەمەت ڤێ چەندێ گیانێ خۆ کریە قوربان بھێتە دابین کرن . دڤان کاودانان دا پێتڤی یە ھەمی حزبێن کوردستانێ ئەگەر ئاریشە و ناکۆکی ھەبن و خودان بۆچوونێن جودا بن پێتڤی یە ڤان ناکۆکیا لابدەن و پێکڤە کار لسەر ھیڤی و ئارمانجێن نەتەوا کورد بکەن کو سەرخۆبوونە ، چونکی حزب ئانکو پارتیێن سیاسی سازیەکا جڤاکی نە و بۆ دابینکرنا بەرژەوەندێن گشتی یێن جڤاکی و نەتەوەی ھاتینە دامەزراندن . راپرسی و سەرخۆبوون ژی داخازا جڤاکی و نەتەوەیە و نابیت ھیچ حزب و لایەنەکێ سیاسی یێ کوردستانی دژ راوەستیت و ئەوێن دژبەریا ڤێ پرسێ ئانکۆ راپرسی و سەرخۆبوونا کوردستانێ دکەن دژبەریا نەتەوە و جڤاکێ کوردستانێ دکەن . نەخاسمە دڤان کاودان نا کو ل ھەمی روویەکی ڤە ھەرێما کوردستانێ گەشە کریە و بنەمایێن دەولەتێ ھایتە دامەزراندن و حکومەتا عیراقێ ژی برەنگەکێ پراکتیکی ھاتیە ھەلوەشاندن و ھەردەمێ رەوشا عیراقێ بھێتە گۆڕین و لسەر پێت خۆ راوەستیتەڤە دبیت ئەڤ دەلیڤە بۆ کوردا نەمینیت ، لسەر ئاستێ جیھانی ژی دبلۆماسیەتا کوردستانێ ب سیاسەتا سەرۆک مەسعود بارزانی د لۆتکەیا مۆکۆمبوونێ دایە و زۆربەیا وەلاتێن جیھانێ وەک دەولەت سەرەدەریێ دگەل ھەرێما کوردستانێ دکەن و ژلایێ ئابووری ژی چەند سالە ب سەربەخۆیی خۆ بڕێڤە دبەت و لسەر ئاستێ لەشکری ژی ھەژی بەحسکرنێ یە چونکی سەرکەفتنێن بێ وێنە یێن پێشمەرگەھێن کوردستانێ بسەر تیرۆرستێن داعش جیھان حیبەتی کریە و ئەڤرۆ وەک لەشکرەکێ جیھانی و سەربخۆ جیھان سەرەدەریێ دگەل دکەت . ل دووماھیێ دبێژینە پارتیێ، کوردستانێ ئاستەنگا لھەمبەر راپرسیا سەرخۆبوونا کوردستانێ درۆست نەکەن و رێکێ ل ھەمبەر گەلێ کورد و خەلکێ کوردستانێ ڤەکەن ب راپرسیا سەرخۆبوونا کوردستانێ ئێک رێزکیا نەتەوی و نشتیمانی درۆست بکەت و ئەڤ ئێک رێزیە ل ئێک رێزیا وە فەرترە و فاکتەرە بۆ ئێک رێزیا وەژی د کوردستانەکا سەربخۆدا .