لەگەڵ روودانی هەر کێشە و ئاریشەیەکی نێوان هەرێم و بەغدا ئالا تاڵەبانی و ئارێز عەبدوڵا، سروە و وشیار عەبدوڵا و ئەحمەد حاجی رەشید وەک پارێوەری بەغدا کەناڵ بە کەناڵ دەگەڕان و دەیانگوت: هەرێم کێشە بۆ بەغدا درووست دەکا و بەغدا بێ گوناح و بێ تاوانە، ئێستا رێبوار تاڵەبانی وەک نوێنەری هەموو خەڵکی کوردستان دراوەتە دادگای فیدراڵی عرووبە، کەچی وەک ئەوەی هیچ رووی نەدابێ ئەو نوێنەرە حزبیانەی لە بەغدا خۆیان بو نوێنەری کورد ناو دەبەن بێدەنگن.
ئێستا لەسەر پرسێکی چارەنووسسازی وەک گشتپرسی دەکەوتنە سەنگەری بەغداوە و مانەوەی کوردیان لە بەغدا بە پێویست و لە بەرژەوەندی کورد ناو دەبرد دەمگوت: ئەوە ملمانێی حزبییە، و لە داخی پارتی سەرۆک بارزانی وا دەکەن، بەڵام بەو بیدەنگیەی ئێستایان لە پرسی دادگایی کردنی رێبوار تاڵەبانی دەردەکەوێ، کە بەرگریەکانی رابردوویان لە بەغدای عرووبە، لە رقی پارتی و سەرۆک بارزانی نەبووە و لە خۆشەویستیان بووە بۆ بەغدا و نوری مالیکی.