ئەوەی كە لە 17 شوبات رویدا ،پرۆگرامەكی لە پێشتر دارێژراو بوو بۆ لێدانی پارتی بۆ ئەم مەبەستەش كۆمەڵە كەسەكی دیاری كراو بە ناوی گردبونەوەیەك دڵی خۆیان بە بەهاری عەرەبی خۆش كردبوو، وەكوو ئەوەی كە ئێستا چارەنوسیان دیارە و ئەو بەهارە نەوەك بەهار نەبوو بەڵكو مەنجەنیقەك بوو كە بە سەر خەڵكی هەژار و فەقیری سوریا و مصرو تونس و لیبیا و یەمەن دا باری ئەوەی كە لەو ووڵاتانەدا جێبەجێ‌ كرا سیناریۆ یەك بوو كە دارێژەرانی ئەو سیناریۆیانە لە بەژەوندی سیاسی و ئابوری خۆیان ئەم جۆرە شانۆگەرییانە رێكدەخەن و بۆ لاساییی كردنەوە ئەو باتەش چەند حیزبەكی گۆرەپانی سیاسی كوردستان بە بیر كردنەوەیەكی تەسك هەوڵی جێبەجێ‌ كردنی هەمان سیناریۆیان دا دواتریش ئاراستەی كۆبونەوەكەی بەر دەركی سەرایان بۆ پێش لقی چواری پارتی دیموكراتی كوردستان برد ئەو كارە ساتەیان خوڵقان و لە پێناو هەمان تاقم خوێنی دەكەس لە ئەو خەڵكە هەژار و رووتە بە تایبەتی كە مناڵ و مێرد مناڵ بوون بە فیرۆ رۆیشت.
لە دووساڵی رابردووش هەمان سیناریوو بە شێوەی جۆراو جۆردووبارە كرایەوە و سەرەرای سوتاندنی كۆمەڵەك بنكەو بارەگای پارتی كۆمەڵەك كادیر پارتیشیان لە بارەگاكانیان سوتاند بەڵام ئەو تاقمە سەرلێشێواوە ئەو جارەش بۆ ئەوەی وا پێشان بدەن كە ئەو خۆپێشاندانانە لە لایەم ئەوانەوە ئاراستە ناكرێت، ئاراستەی خۆپێشاندانەكانیان بۆ پێش بنكەوبارەگاكانی حیزبەكانی تر برد بەڵام بە بێی ئەوەی كە دروشمەك ئاگری تێبەر بدرێت یان بارەگایەك لە حیزبەكانی تر بسوتێنرێت ئەوەش تەنیا بۆ ئەوەی نیشان بدەن ئەو خۆپێشاندانانە خۆرسكن.
ئەمسالیش خۆپێشاندەرانی نارازی كە دیارة چۆن و بە چ شێوەیەك ئاراستە دەكرێن و بەرنامەیان بۆ ئامادە دەكرێت هەر رۆژە و بە شێوازەك ئاراستە دەكرێن و لە شانۆگەرییەكی ئەمرۆشدا لە بەردەم گردی زەرگەتە ئامادە بوون و هوتافیان لە بەرانبەر گۆراندا ،گووت بە تاكید هەنگاوی دوای ئەو خۆپێشاندانانەش دیارە ئەویش بۆ پێش بنكەو بارەگاكانی پارتییە و كۆتای سیناریۆكەش دیارە هەربۆیەش پێویستە گشت دام و دەزگاكانی یەكیەتی لەو سنوورە ئاگادار بكرێنەوە لە هەر كردەوەیەكی لەو چەشنە كە نیازی دەست درێژی بۆ سەر بنكەو بارەگاكانی پارتی هەیان بیت.