ئەوەی كە لەم دوایەدا زۆر جێی بایەخ و گرینگی ئەمریكییەكان بووە و بەردەوامی میدیاكانی ئەو ووڵاتە بووەلە بارەی عێراقی دوای داعش و رێكخستنەوەی لە چوارچێوەی عێراقەكی یەكگرتوو، لە هەمان كاتدا سوپایەكی هەبیت، كە وەكوو ساڵانی رابردوو هەرەشە بۆ سەر هاوڵاتیانی خۆی نەبیت، چ وەكوو سەردەمی بەعس، چ لە دوای ئازادی عێراق كە سوپا هۆكاری تۆڵە سەندنەوە و بەكار هێنانیان بۆ یەكلایی كردنەوەی شەری مەزهەب گەراییی لە عێراقدا بووە.ئەوەی كە شایەنی ئاماژە پێكردنە ،هەموو كات بەجیا باس لە كوردستان وهێزی پێشمەرگە لە هاوكێشەكانیان كراوە ئەوەش ئاماژەیەكی روونە كە كوردستان و هێزی پێشمەرگە ، رۆوڵی سەرەكییان لە ستراتیژی ئەمریكا لە دوای داعش بە تایبەتی لە كابینەی نوێی ترامپدا دەبیت.
ئەگەر سرنجی رووداوەكانی چەند مانگی رابردووی كوردستان و هاتوچۆیەكانی بەرپرسانی سەربازی و دیپڵۆماسی ئەمریكا لە گەڵ هەرێمی كوردستان و دانوساندنەكانیان بدەین، دەبینین چەند رووداوی مێژوویی زۆر گرینگ روویانداوە، ئەویش ئەوە بووە كە ئەو عێراقەی كە هەموو كات ئینكاری مافی كورد و پێشمەرگەی دەكرد تەنانەت لە دوای ئازادی عێراق ،حكومەتە یەك لە دوای یەكەكانی عێراق دژی بوونی هێزی پێشمەرگەی كوردستان بوونە تەنانەت دوا بەدوای جێگیر بوونی ئەو یاسایەیی كە هێزی پێشمەرگەی كوردستان لە چوارچێوەی هێزی ووشكاییعێراقدا هەڵسوكەوتی لەگەڵدا بكرێت هیچكات جێبەجی نەكراوە بەڵام لە ژێر كاریگەری ئەمریكا، دانیان بەبوونی پێشمەرگە و ەكوو سوپای بەرگریی كوردستاندا ناوە تەنانەت یاداشتی لەیەك تێگەیشتنی سەربازی ئەمریكا بە ئاگاداری حكومەتی عێراق لە گەڵ وەزارەتی پێشمەرگە ئەو راستییانە زیاتر بەرجەستە دەكات.
هاتنی شاندە باڵاكانی سەربازی بۆ كوردستان لە ماوەی رابردوو و هاتنی ئاشتۆن كارتەر گرینگی سەفەرەكەیان زیاتردەخاتە روو بە تایبەتی كە ئەو شەرەفەیان پێبەخشرا بۆ ئەوەی میداڵیای شانازی لە لایەنی وەزیی بەرگری بە چوار قارەمانی بەرەكانی شەر ببەخشیت.هەر چەندە كە ئەوەش یەكەك لەو رووداوە مێژووانەیە كە جێگەی شانازییە لە هەمان كاتدا ئاماژەیەكی روون و دانپێدانان بە ئەو هێزەیە.
ئەوەی كە روونە لە عێراقی دوای داعش هەنگاوەكان بەرەو كۆنفیدراڵی لە قۆناغی یەكەم و لە قۆناغی دووەمدا ئەگەر لە گەڵ حكومەتی ناوەندی نەگەیشتنی هیچ دەرئەنجامەك جیابونەوە لە رێگەی گشت پرسی دەبیت لێرەداگرینگی ئەو بابەتەمان بۆ لە هەموو كات زیاتر بەدەر دەكەویت