داعش دوای موسڵ
هەژار محەمەد خەبات
1-تەكتیكاتی داعش.
أ-هێرشی چاوەڕوان نەكراو-
وەك ئەو هێرشەی لەشاری كەركوك ڕویدا كاتێك نزیكەی 100 چەكدار لەبارودۆخێكی چاوەڕوان نەكراو هێرشیان كردە سەر ئەم پارێزگایە.لەناوەوەی كەركوكیش شانە نوستوەكانیان پاڵپشتیان كردن.
ب-ئۆتۆمۆبیل و خوكوژەكان-
چەكدارانی تیرۆریستی داعش بەڕێژەیەكی بەرچاو پشت بە ئۆتۆمۆبیلی بۆم ڕێژكراو و خۆكوژ دەبەست بۆ نانەوەی ئاژاوە و ناردنی مەسیج بەوەی ئەوان وەك هێزێك هەر ماون.
ج-شێوەی بەشداری كردنی حەشدی شەعبی –
چەكدارانی حەشدی شەعبی لە بنچینەوە لەسەر ئەساسی تایەفی دامەزڕاون و زۆرینەی زۆریان لە پێكهاتەی شیعە مەزهەبن. ئەوەی جێگای ئاماژە پێكدرنە ئەوەیە چەكدارانی حەشدی شەعبی پێشێلكاری زۆر دەكەن و گوێ بە یاسایی سەربازی و یاساكانی مافی مرۆڤ نادەن لە كوشتن و بەتاڵان بردنی ماڵ موڵكی هاوڵاتیانی سونە مەزهەب.
2-مانەوەی ئەسەد-بەشێك لە شارەزیان پێیان وایە مانەوەی بەشار ئەسەد هۆكارێكە بۆ مانەوەی داعش و ئەو گروپە توندڕەوانەی لە پێكهاتەی سونە مەزهەبن.مانەوەی بەشار ئەسەد لە سەر لوتكەی دەسەڵات لە سوریا وا دەكات ئەستەم بێت ئەم گروپە تیرۆریستینە لە بناغەوە لەناوبچن. دەبێت ئەو ڕاستیەش بزانین زۆرینەی دانیشتوانی ووڵاتی سوریا لە پێكهاتەی سونە مەزهەبن.
3-هاتنەوەی مالكی بۆ ناو پڕۆسەی سیاسی-نوری مالكی زمانی تایەفەگەری بە توندی بەكاردیهێنێت ئەمەش وادەكات پێكهاتەی سونە مەزهەب ڕق و قینەی زیاتریان هەڵسێت و هەست بە ناهەچی بكەن.لە 23 مانگی ڕابردوو نوری مالكی بەشداری كۆبونەوەی(الصحوە الاسلامیە فی العراق)كرد و تیادا سوپاسی كۆماری ئیسلامی ئێران و خودی مورشیدی كرد. هەر لە ووتارەكەی باسی لەوە كرد ڕزگاركردنی شاری موسڵ بەشێكە لە شەڕێكی درێژ كە(رقە)ی سوریا و یەمەن و ئەو شوێنانەی موسڵمانانی(شیعەی)تێدایە دەگرێتەوە.
لەكۆتایی-
لەناو پێكهاتەی شیعە مەزهەبەكان و چەند سیاسیەكی پێكهاتەی سونە مەزهەبەكان دوو پڕۆژەی جیاواز بۆ چارەسەری كێشەكانی عێراق بەگشتی نوسراوەتەوە و پێشكەشكراوە. شارەزایانی سیاسی دوو بیروبۆچونیان هەیە لەسەر ئەم هەنگاوە.
1-بەهۆی فەشەلی حكومەتی ناوەند لە ڕووی بەڕێوەبردنی ووڵات و جێبەجێ نەكردنی كارنامەی حكومی ئەم دوو هەوڵە وەك فێلكردنێك بەكاردەهێنن تا هاووڵاتی لە هەڵبژاردنی داهاتو دەنگ بەهەمان سیاسی و لایەنی حزبی بدەنەوە.
2-سنورداركردنی كاری پەرلەمانە لە ئێستا و داهاتو.
