بایكۆت بۆ خۆیان و ژاوه‌ژاوی سه‌ر شه‌قام بۆ بزووتنه‌وه‌ی گۆڕان
سووره مه‌رگه‌یی
دیاره خۆپیشاندان و ژاوه‌ژاوی سه‌ر شه‌قام و رێگا گرتن له هاوڵاتیان و هاواری عه‌بادی عه‌بادی له ده‌ره‌وه‌ی یاسای ئه‌رك و مافه و ده‌چێته خانه‌ی یاسا سیاسییه‌كان و ململانێی حزبی، ئه‌وه‌ی له خۆپیشاندانه‌كان و ژاوه‌ژاوی سه‌ر شه‌قامیش ده‌یبینین و ده‌یبیستین: ئه‌وانه‌ی پێشقه‌تاری خۆپیشاندانه‌كان ده‌كه‌ن زۆریان هه‌ڵسووڕاوه زۆر دیاره‌كانی بزووتنه‌وه‌ی گۆڕانن، ئه‌وانه‌ش كه زۆر ژاوه‌ژاو ده‌كه‌ن و عه‌بادی به فریادڕه‌س ده‌زانن دووباره هه‌ڵسووڕاوه‌كانی بزووتنه‌وه‌ی گۆڕانن و پێده‌چێ بۆ خولی داهاتووی په‌رله‌مانیش كاندید بكرێن، هاوكات بزووتنه‌وه‌ی گۆڕان وه‌ك بزووتنه‌وه‌یه‌كی سه‌ره‌ڕۆ و نه‌بیست و خودی رێكخه‌ری گشتی بزووتنه‌وه‌كه‌ش وه‌ك سیاسییه‌كی هه‌ڵگری ڤایرۆسی كۆنه‌قین و خواستی تۆڵه كردنه‌وه، بردنه‌وه‌ی سلێمانییان بۆ باوه‌شی به‌غدای خستۆته پێشینه‌ی كاره‌كانیان، بۆیه ئه‌گه‌ر بایكۆت و نه‌چوونه هۆڵه‌كانی خوێندن بچێته خانه‌ی یاسای ئه‌رك و ماف، ئه‌وا بایكۆت و نه‌چوونه هؤڵه‌كانی خوێندن بۆ خۆیانه، به‌ڵام خۆپیشاندان و ژاوه‌ژاوی سه‌ر شه‌قام و هاواری عه‌بادی عه‌بادی له ده‌ره‌وه‌ی یاسای ئه‌رك و مافه و ده‌چێته خانه‌ی یاسا سیاسییه‌كان و ململانێی حزبی و ئه‌و شه‌ڕه شاراوه‌ی نه‌وشیروان مسته‌فا ده‌یان ساڵه به یه‌كهه‌ڵوێستی نه‌ته‌وه‌یی و كۆده‌نگی نیشتیمانی كوردی ده‌فرۆشێ، كه‌واته خۆپیشاندان و ژاوه‌ژاوه‌كه‌ی سه‌ر شه‌قامیان بۆ بزووتنه‌وه‌ی گۆڕانه.
