ئەوەی پێشتر رەخنەی لێدەگیرا و بەردەوام باسی لێوەدەكرا،نەگەرانەوەی كەركوك و ناوچە كوردستانییەكانی دەرەوەی هەرێم بۆسەرهەرێمی كوردستان بوو كە خۆراكی بەشی هەرە زۆری میدیاكانی سێبەرەی گۆران و هەندێك لە جاش قەلەمەكان بۆموزایدەی سیاسی بوو،بڵام ئەوجارەیان بۆ درێژە پێدان بە هەمان سیاسەتی چەوتی رابردوو هەوڵی ئەوە دەدەن كە بە تەسلیم كردنی نەوتی كەركووك بەكۆمپانیای نەوتی سۆمۆ لە پەنای دابینكردنی موچەی بەشێكی كەمی فەرمانبەران و یاری كردن بە مەینەتییەكانیان، ئیرادەی خەڵكی كوردستان راستەوخۆ رادەستی حكومەتی ناوەندی بكەن،ئەوە جاری یەكەم نییەو و دوا جاریش نابیت كە بەو شێوە و دور لە هەموو بەهاو پرەنسیبەكی ئەخلاقی و نیشتمانی یاری بە چارەنووسی گەلێك دەكریت، چەند رۆژ لە مەوبەر لە درێژەی سیاسەتە دۆراوەكانی گۆران ،چەند هەرزەكارەكی سیاسی گۆران، بیرۆكەی فیدراڵی پارێزگاكانیان پێشنیار كرد بۆ ئەوەی لە موازنەی ساڵی 2017 جێگیر بكرێت و لە لایەن زۆرێك لە دوژمنانی كورد پێشوازی لێكرا ئەویش لە بەر ئەوەی بوو كە ئەو پرۆژەیە راستەوخۆ كوردستانی دابەش دەكردو ئیرادەی كوردستانی تەسلیم بە دوژمنان دەكرد و ئەمرۆش رادەستكردنی راستەوخۆی نەوتی كەركوك بە كۆمپانیای نەوتی سۆمۆ هەمان سیناریۆ مان بۆ دووپات دەكاتەوە .
لێرەدا پرسیار گەلێك مان بۆ گەڵالە دەبیت ئەویش ئەوانەن،ئاخۆئەوەی ئەمرۆ پەنای بۆ دەبەن بۆئەوەی لەوپرۆژەیاسایەداپشتگیرییان بكات ، هەمان كەس نەبوو كە لە كارەساتی لێقەومانی مولازم عەلی یەكیەتی لە بەغدا،هەرەشەی "الدم بالدەمــی "دەكرد؟ئایا ئەوە هەمان كەس نەبوو كە لە سەردەمی دەستەلاتداریەتی خۆیدا ،موچەو بودجەو قووتی خەڵكی كوردستانی بری؟ ئاخۆ ئەوە هەمان كەسە نەبوو كە سوپای دیجلەی دژ بە هەرێمی كوردستان و ناوچەكانی دەرەوەی هەرێم دروست كرد؟ ئاخۆ ئەوە هەمان كەسە نەبوو كە بیرۆكەی دروستكردنی حەشدی شەعبی بۆ درێژەدان بە سیاسەتی تایفەگەری و سەركوتكاری هەبوو؟گەرانەوە و تەسلیم بوون بە غدا لە پێناو دابین كردنی دە لە سەدی مووچەی فەرمانبەران ،ئەگەر موزایدەی سیاسی و خیاتەتەكی نیشتمانی نەبیت دەبیت چ هۆكارەكی لە پشتەوە بیت؟ ووڵامی ئەوانە بۆ فەرمانبەرانی تر چی دەبیت؟
كاتی ئەوە هاتووە كە واز لە موزایدەكردن بە سەر خەڵكی كوردستاندا بهێنن و لە پێناو بەرژەوندییەكانی دەمەكی حیزب لە یەكتر پەرتەوازە نەبن و بۆ بەرژەوەندییەكانی خەڵكی كوردستان بە یەك بەرنامەو لە یەك ئاست كار بۆ گەلی كوردستان بكەن،ئەوەش پرۆژەیەك نییە كە لە توانای چەند كەسەك دا بیت و لە پێناو دەسكەوتێكی مادی ئیرادەی كوردستانە تەسلیم بە بەغدا بكرێت هەربۆیەش ئەوە پێویستی بە پرۆژەیەكی نیشتمانی و گشتگیر هەیە كە هەموو لایەنەكان لە سەری كۆك بن .