ئەگەر رابردووی كورد خۆی لە شۆرشی چەكداری و سیاسی و حزبیدا پێناسە دەكرد، ئەوا ئەمرۆ خۆی لەبەردەم شۆرشێكی تر دەبینێتەوە ئەویش شۆرشی "خزمەتگوزارییە"
پێش رووخانی رژێمی بەعس تاوەكو سەرەتاكانی نەوەتیش كۆمەڵی كوردی خەباتی چەكداری دژ بە رژێمی بەعس دەكرد، لە پاش 1994وە رووبەرووی مۆدێلێكی تر لە سیاسەتكردن دەبێتەوە ئەویش ململانێ حزبی نێوان حزبە سیاسیەكان تائاستی شەڕی ناوخۆ، ئەم مۆدێلەتا ساڵانی 2011 -2012بەردەوام دەبێت،بەڵام هەمیشە بەروە كاڵبوونەوە دەروات.
لە 2014وە قۆناغێكی نوێ لە ژیانی سیاسیی كۆمەڵی كوردی بەواتای مۆدێلێكی تر لە كیڵگەی سیاسی دەست پێدەكات، ئەوەی زیاتر هەڵویستی سیاسی و پێگەی حزبەكان لە نێو جەماوەر بە هێزتر دەكات،ئاستی خزمەتگوزارییەكانە، بەواتای كێ خزمەتگوزاری زیاتر پێشكەش دەكات كێ زیاتر ئارامی و بەختەوەری گوزەرانی هاوڵاتی باشتردەكات ؟ كێ كۆمەڵ لە قەیرانی ئابووری رزگاردەكات، ئەو زیاتر دڵسۆزی كۆمەڵە . بە پێچەوانەی خەبات و قوربانیدانەكانی رابردوو، ئەوەی هەڵویست و پێگەی حزبەكانی دەبردە پێشەوە زیاتر ئەو لایەنە بوو كە كۆمەڵ لە قەیرانی سیاسەتی دیكتاتۆریەت رزگار دەكرد، ئەوەی پێگەی حزبەكانی زیاتر بەهێزتردەكرد قەبارەی ئەو قوربانی دانانە بوو كە لە رابردوو ئەو حزبە سیاسیە لە پێناو میللەتەكەی دابوویان.ئەگەر دوێنی بە ناوی قوربانیەكانیانەوە قسەییان دەكرد وە قوربانیەكان سەرماییەی بەردەوامی دانی ئەوان بوون لە كیڵگەی سیاسی بەڵام ئەمرۆ ناتوانن چیتر قوربانیەكان بكەنە قەڵغان بۆ مانەوەیان، ئەوەی مانەوەی ئەوان لە كایەی سیاسیدا مسۆگەر دەكات جیاكردنەوە و دروستبوونی"كارەكتەرێكی نوێ "یە، واتا (ئەكتەرێكی سیاسی كۆمەڵایەتی نوێ)، ئەو ئەكتەرەیە كە زەروورەتی كۆمەلایەتی و سیاسی و ئابووری و ئاینی وزانستی دەیەوێت، ئەوە بۆیە لەناو پارتێكی وەكو كۆمەڵی ئیسلامی ڕەواجی كەسایەتێكی بانگخواز زۆر زیاتر لە كەسایەتێكی سیاسی ناو ئەو پارتە، ئەو دۆخە تازەیەداوا لە ئەكتەری حزبەسیاسیەكان دەكاتكارەكتەرێك نوێنەرایەتیان بكات كە هەست بە لێپرسینەوە بكات لە بەرامبەر كۆمەڵی كوردی، بە زمانیكی پرۆفیسیۆنال و بابەتیانە قسە بكات زمانیك دوور لە هەڵدانەوەی لاپەرەكانی رابردوو، گووتارێك كە هەموومان نەوەی ئەوە وڵاتەین ئەگەر لە رابردووش كەموو كوری هەبووبێت وەرن با هەموومان چاكی بكەینەوە، گووتارێك دوور لە گووتاری "پۆپیۆلیست" گووتاری پۆپێولیست ئەو گووتارەیە كە حزبەكان دواكارییەكانی خەڵكیان بۆ بەهێزكردنی پێگەی خۆیان بەكاردەهێنن، واتا موزادەكردن بەسەر دەسەڵاتەوە لەوەی ئێمە بێن لە ئێوە باشتر كاردەكەین وە ئێمە مۆدیلێكی جوانتر و شەفافتر و پاكژتر داد پەروەرانەتر بەرێوە دەبین،
گۆرینی ئەم ئاراستانەش بە هۆی دروستبوونی نەوەیەكەوە بوو كە بێئاگا لە رابردووی خۆی، رابردوو لای ئەو تەنیا بیرهێنانەوەی شەری ناوخۆی نێوان حزبە سیاسیەكانی گۆرەپانی سیاسیی كۆمەڵگەی كوردی بوو ئەمەش ئەزموونێكی تاڵ بوو، چونكە دەرئەنجامەكانی ئەو كارەساتە ( ئاوارەبوون بەشێك لە هاوڵاتیان و دوو ئیدارەی، لە ناوچوون چەندان هاوڵاتی و بڵاو بوونەوەی گەندەڵی ونەبوونی شەفافیەت ...هتد) بۆیە پێویستە ئەمرۆ هەموو لە هەوڵی راستكردنەوەی ئەو دۆخە ئیفلاسەبین كە شەڕی ناخۆ خولقاندبوو، دووركەوتنەوە لەو ململانێ سیاسییانەی كە بەرەو ئاراستەیەكی توڕەویمان دەبات ٍ
خەباتی ئیستا خەباتی ئابووری و سەرماییەی بەهێزە و رزگاركردنی كۆمەڵە لە قەیران، هێزی ئاشتی و بەیەكەوە ژیان و دابەشكردنی لیپسراویەتی و روانین بۆ ئایندەیەكی ئارام و بەختەوەر و هەولدان بۆ دروستكردنی پرۆسەی خود بژێویلێكتێگەیشتنی هاوبەش ئارمانجە، كۆتایی هێنان بەهەموو بیركردنەوەیەكی سیاسی كە رەوشیێك بخوڵقێنی كۆمەڵ لێمان نائومید بكات. ئەو دۆخەش كۆتایهێنا بە خیتابی سیاسی ئستفزاز و موزایەدە بەسەر ئەوەی تر چونكە ئیستا هەموومان لە یەك بەلەمداین چارەنوسی هەمووان بەیەكەوەیە.
ئەوەی لە 4/6/2014 بینیم كۆبوونەوەی سەرۆكی حكومەت لەگەڵ فراكسیۆنی حزبە سیاسیەكان.
لە پرۆسەی سیاسی كۆمەڵی كوردی مۆدیلێكی تازە بوو، كۆتایی بە هەموو جیاوازی ئایدیۆژییای سیاسی و موزایەدەی سیاسی هێنا . گەرەنتی و ئومید دان بوو بەیكتر لەوەی بەیەكەوە كاردەكەین و بەیەكەوە بەرپرسیاریتی دابەشدەكەین و هەموومان بەرپرسین لەو دۆخە تازەیەدا.


خویندكاری دكتۆرا لە زانكۆی سۆربۆن - پاریس*