ئێوارەی ئەمڕۆ سێشەممە بەهای دیناری عێراقی بەرانبەر بە دۆلاری ئەمریكی زیاتر دابەزی.

میدیاكانی عێراق بڵاویان كردەوە ئەم ئێوارەیە نرخی یەك دۆلاری ئەمریكی لە بۆرسەی بەغدا گەیشتە یەك هەزار و 490 دیناری عێراقی.

هەروەها لە بۆرسەی هەولێریش بەهای یەك دۆلار گەیشتووەتە یەك هەزار و 494 ديناری عێراقی.

ئەمەش لە كاتێكدایە بەیانیی ئەمڕۆ بەهای یەك دۆلاری ئەمریكی بەرانبەر یەك هەزار و 470 ديناری عێراقی بوو.

جێی باسە ئەم دابەزینەی بەهای دیناری عێراقی هاوكاتە لەگەڵ یەكەم ڕۆژی مانگی رەمەزان، كە بازرگانان لەم مانگەدا شمەك و خواردەمەنی زیاتر لە دەرەوەی وڵات هاوردە دەكەن، بەهۆی ئەوەی خواستی هاووڵاتییان بۆ كڕینی شمەك و خواردن زیاتر دەبێت، ئەمەش وا دەكات بڕێكی زۆرتری دۆلار لە وڵاتەكە بچێتە دەرەوە و بەهای دۆلار بەرانبەر دیناری عێراقی بەرز بێتەوە.
basnews -