لە ماوەی شەش مانگی سەرەتای ئەمساڵدا توندوتیژیی خێزانی لە عێراقدا زیادی كردووە و بە زۆرییش توندوتیژییەكان بەرانبەر ئافرەتان ئەنجام دراون، هۆیەكەشی دەگەڕێتەوە بۆ كەرەنتینكردن بە هۆی كۆرۆناوە.

ئاژانسی هەواڵی "سپۆتنیك"ی رووسی بڵاوی كردەوە كە لە ماوەی شەش مانگی رابردوودا توندوتیژی خێزانی لە هەموو شارەكانی عێراق زیادی كردووە، ئەمەش هاوكات بووە لەگەڵ كەرەنتینكردنی هاووڵاتییان لە ماڵەكانیان و قەدەغەی هاتوچۆ بە هۆی بڵاوبوونەوەی پەتای ڤایرۆسی كۆرۆناوە.

لە ماوەی شەش مانگی رابردوودا یەك هەزار و 300 تاوانی توندوتیژی لە دەزگا فەرمییەكانی عێراقدا لە شارە جیاوازەكانی ئەم وڵاتەدا تۆمار كراون و كەوتوونەتە بەردەم دادوەر، سەرباری سەدان سكاڵای خێزانی و فەرمانی دەستگیركردنی ئەوانەی توندوتیژی خێزانیان ئەنجام داوە، كە لە پیاوان، ژنان، برایان و باوكەكان پێك هاتوون.

لەمبارەیەوە سەعد مەعن بەڕێوەبەری پەیوەندییەكانی وەزارەتی ناوخۆی عێراق ئاشكرای كردووە كە زۆربەی توندوتیژییەكان لەلایەن پیاوانەوە دژی ئافرەتان ئەنجام دراون، ژمارەیان دەگاتە سێ هەزار و 637 رووداو، لەگەڵ 453 رووداوی توندوتیژی لەلایەن ژنەوە كراوەتە سەر پیاو.












باسنيوز