گوتەبێژی فەرماندەی گشتیی هێزە چەکدارەکانی عێراق رەتیدەکاتەوە هێزەکانی پێشمەرگە لە کەرکووک بڵاوکرابنەوە.

عەمید یەحیا رەسوڵ، گوتەبێژی فەرماندەی گشتیی هێزە چەکدارەکانی عێراق راگەیاند، هێزەکانی پێشمەرگە لە پارێزگای کەرکووک بڵاونەکراونەتەوە و ئەوەی ئەمڕۆ هەبووە کۆبوونەوەیەک بووە لەبارەی رێکاری ناوەندەکانی هاوئاهەنگی لە پارێزگاکانی کەرکووک، دیالە و نەینەوا.

گوتەبێژی فەرماندەی گشتیی هێزە چەکدارەکانی عێراق ئاماژەی بەوە دا، نوێنەرانی وەزارەتەکانی بەرگری و ناوخۆ و هێزە سەربازییەکانی دیکە و وەزارەتی پێشمەرگە بەشداربوون، ئەوەیش بە ئامانجی ئاڵوگۆڕکردنی زانیارییەکان و بەدواداچوون بۆ جموجۆڵی تیرۆریستان.






رووداو