بڕیارده‌ری لیژنه‌ی دارایی له‌ ئه‌نجوومه‌نی نوێنه‌رانی عێراق، ئه‌حمه‌د سه‌فار، رایگه‌یاند، سه‌رۆك وه‌زیرانی عێراق، مسته‌فا كازمی به‌ پێچه‌وانه‌ی یاسای بودجه‌ فه‌رمانبه‌ری له‌ نووسینگه‌كه‌ی دامه‌زراندووه‌.

سه‌فار گوتیشی: دامه‌زراندنی ئه‌و كه‌سانه‌ی له‌ نووسینگه‌ی كازمی ده‌ستبه‌كار بوون، پێچه‌وانه‌ی یاسایه‌.

هه‌روه‌ها گوتی: هه‌موو دامه‌زراندنێك دوو مه‌رجی سه‌ره‌كی هه‌یه‌، یه‌كه‌میان پێویسته‌ له‌ لایه‌ن لایه‌نی تایبه‌تمه‌نده‌وه‌ بێت و ده‌سه‌ڵاتی دامه‌زراندنی هه‌بێت، دووه‌میان، ئه‌و لایه‌نه‌ی فه‌رمانبه‌ر داده‌مه‌زرێنێت ده‌بێت پله‌ و پایه‌ی له‌ بودجه‌دا ده‌ستنیشان كرابێت.

روونیشیكرده‌وه‌، تا ئێستا بودجه‌ی 2020 په‌سند نه‌كراوه‌ و له‌سه‌ر ئه‌و بنه‌مایه‌ هیچ كه‌س و لایه‌نێك بۆی نییه‌ پله‌ی وه‌زیفی نوێ زیاد بكات و خه‌ڵك دابمه‌زرێنێت.






K24