وەزارەتی نەوتی حکوومەتی عێراق بڕی هەناردە و داهاتی نەوتیی مانگی رابردوو ئاشکرا دەکات.

ئەمڕۆ چوارشەممە 1-7-2020، عاسم جیهاد، گوتەبێژی وەزارەتی نەوتی عێراق لە بەیاننامەیەکدا رایگەیاندووە، لە مانگی رابردوو (مانگی 6ـی 2020)، عێراق 84 ملیۆن و 490 هەزار و 194 بەرمیل نەوتی هەناردە کردووە.

داهاتی ئەو بڕە نەوتەی لە مانگی رابردوو هەناردەکراوە، هەروەک عاسم جیهاد رایگەیاندووە، زیاتر لە دوو ملیار و 861 ملیۆن و 140 هەزار دۆلار بووە.

بڕی نەوتی هەناردەکراوی ناوچە جیاوازەکان لە مانگی 6ـی 2020:

- 81 ملیۆن و حەوت هەزار و 675 بەرمیل لە کێڵگەکانی بەسرە و ناوەڕاستی عێراق.

- سێ ملیۆن و 482 هەزار و 519 بەرمیل لە کێڵگە نەوتییەکانی کەرکووک.








باسنیوز