وه‌زاره‌تی ده‌ره‌وه‌ی عێراق رایگه‌یاند، ئازەربایجان 25 تۆن هاوكاری ته‌ندروستی له‌رێگه‌ی فڕۆكه‌یه‌كی تایبه‌ته‌وه‌ ره‌وانه‌ی عێراق كردوه‌.

به‌گوێره‌ی راگه‌یه‌ندراوێكی وه‌زاره‌تی ده‌ره‌وه‌ی عێراق، فڕۆكه‌یه‌كی ئازەربایجان كه‌ هه‌ڵگری 25 تۆن هاوكاری و پێداویستی پزیشكی و خۆپارێزی بو بۆ به‌ره‌نگاربونه‌وه‌ی ڤایرۆسی كۆرۆنا گه‌یشتوه‌ته‌ عێراق.

وه‌زاره‌تی ده‌ره‌وه‌ سوپاس و پێزانینی خۆی ئاڕاسته‌ی ئازەربایجان كردوه‌


وه‌زاره‌تی ده‌ره‌وه‌ی عێراق، سوپاس و پێزانینی خۆی ئاڕاسته‌ی ئازەربایجان كردوه‌ له‌به‌رامبه‌ر ده‌ستپێشخه‌ریه‌ مرۆییه‌كه‌ی له‌م دۆخه‌كه‌دا كه‌ به‌هۆی كۆرۆناوه‌ جیهان پێیدا تێپه‌ڕده‌بێت.

پێشتر ژماره‌یه‌ك وڵاتی جیهان هاوكاری و پێداویستی پزیشكیان ره‌وانه‌ی عێراق كردبو، به‌مه‌به‌ستی به‌ره‌نگاربونه‌وه‌ی ڤایرۆسی كۆرۆنا، یه‌كێك له‌و وڵاتانه‌ش كه‌ به‌چه‌ند قۆناغێكی جیاواز هاوكاریه‌كانی گه‌یانده‌ عێراق چین بو.






خەندان