سەرچاوەیەكی پزیشكی لە پارێزگای كەركووك ئاشكرای كرد، ئەمڕۆ یەكشەممە ٢٨ی حوزەیرانی ٢٠٢٠، سەرۆكی پارتێكی توركمانیی عێراقی پاش تووشبوونی پەتای كۆرۆنا كۆچی دوایی كرد.

لەمبارەیەوە نەجات حوسێن، ئەندامی ئەنجوومەنی پارێزگای كەركووك لە كوتلەی توركمانی و هاوڕێی كۆچكردووەكە، ڕايگەیاند: "ئەمڕۆ یەكشەممە 28/6/2020، ئەنوەر بەیرەقدار، سەرۆكی پارتی دادپەروەریی توركمانی لە شاری كەركووك، بەهۆی پەتای كۆرۆناوە گیانی لە دەست دا”.

ئەو سەرچاوەیە بە میدیاكانی عێراقی راگەیاندووە كە ئەنوەر بەیرەقدار، سەرۆكی پارتی دادپەروەریی توركمانیی عێراقی، ئەمڕۆ یەكشەممە لە پارێزگای كەركووك كۆچی دوایی كردووە، پاش ئەوەی تووشی كۆرۆنا بووە و دۆخی تەندروستی تێكچووە.

سەرۆكی پارتی دادپەروەریی توركمانی بە دووەمین سیاسیی عێراقی دادەنرێت كە پاش تووشبوونی كۆرۆنا گیان لەدەست بدات.

لەوەتەی پەتای كۆرۆنا لە شاری كەركووك بڵاوبووەتەوە، تا ئێستا ٤٧ كەس لەو شارە بەهۆی ئەو پەتایەوە گیانیان لە دەست داوە.











باسنيوز