سەرچاوە پزیشکی و حکوومییەکانی عێراق تووشبوونی 127 پزیشک و کارمەندی تەندروستی بە پەتای کۆرۆنا، لە سێ پارێزگای عێراق، رادەگەیەنن.

ئەمڕۆ شەممە 27-6-2020، لقی میسانی سەندیکای پزیشکانی عێراق رایگەیاندووە، لە سەرەتای سەرهەڵدانی پەتای کۆرۆناوە لە عێراق تا ئێستا، 46 پزیشکی پارێزگای میسان تووشی ئەو پەتایە بوون.

هەروەها میدیا عێراقییەکان بڵاویان کردووەتەوە، کە لە سەرەتای سەرهەڵدانی پەتای کۆرۆناوە تا ئێستا، 75 پزیشک و کارمەندی تەندروستی لە پارێزگای دیالە تووشی پەتای کۆرۆنا بوون ویەکێک لە پزیشکەکانیش گیانی لەدەست داوە.

هەر ئەمڕۆ شەممە، لقی بەسرەی سەندیکای پزیشکانی عێراقی تووشبوونی شەش پزیشکی بەسرەی بە پەتای کۆرۆنا، راگەیاندبوو.











باسنيوز