چەکدارانی نەناسراو دوو مووشەک ئاراستەی هێزە ئەمریکییەکان لە فڕۆکەخانەی بەغدا، دەکەن.

ئەمڕۆ سێشەممە 16-6-2020، میدیا عێراقییەکان بڵاویان کردووەتەوە، کە مووشەکەکان لە نزیک سەربازگەی ئەمریکییەکان لە فڕۆکەخانەی بەغدا، کەوتوونەتە خوارەوە.

ئەو میدیایانە ئاماژە بەوەش دەکەن، کە دوو مووشەکەکە لە ناوچەی گەڕەکی فورات لە نزیک فڕۆکەخانەی بەغدا، ئاراستەی سەربازگەی ئەمریکییەکان لە فڕۆکەخانەکەدا کراون.

بەهۆی ناکارایی هێزە ئەمنی و سەربازییە عێراقییەکان، دەیان میلیشیا و گرووپی چەکداریی تاوانکاری، توندڕەو، تائیفی و تیرۆریستی لە بەغدا و شارەکانی دیکەی ئەو وڵاتە دروست بوون و بەپێی بەرژەوەندیی ئەو لایەن و وڵاتانەی کاریان بۆ دەکەن، کردەی تاوانکاری و تیرۆریستی ئەنجام دەدەن.




باسنيوز