وەزارەتی تەندروستیی عێراق تووشبوونی زیاتر لە هەزار و سەد كەس و گیان لەدەستدانی 45 كەسیتری بە پەتای كۆرۆنا راگەیاند.

كەمێك لەمەوبەر، وەزارەتی تەندروستیی عێراق لە راگەیاندراوێكدا ئاماژەی بەوە كرد كە لە ماوەی 24 كاتژمێری ڕابردوودا زیاتر لە دە هەزار و 130 پشكنینیان ئەنجام داوە و هەزار و 106 تووشبووی نوێی كۆرۆنا دەستنیشان كراون كە زۆرینەیان لەبەغدایە و سلێمانیش بە تۆماركردنی 169 تووشبوو، لە ڕیزبەندیی دووەمین زۆرترین تووشبووی پەتای كۆرۆنا دایە.

هەر لە ماوەی 24 كاتژمێری رابردوودا هەزار و 150 كەس لە عێراق چاككراونەتەوە و كە بەغدا بە 371 كەس و سلێمانی بە 351 كەس، لە پێشەوەی زۆرترین چاكبوونەوەكانن.

وەزارەتی تەندروستیی عێراق ئاشكرای كردووە كە لە 24 كاتژمێری رابردوودا 45 حاڵەتی گیان لەدەستدان تۆمار كراوە و بەم شێوەیەش 21 هەزار و 315 حاڵەتی تووشبوونی كۆرۆنا لە عێراق تۆمار كراوە كە 9 هەزار و 271 تووشبوو چاكبوونەتەوە و و 652 كەسیش بەم هۆیەوە گیانیان لەدەست داوە، ئێستاش 150 كەس لە ژێر چاودێریی چڕدان.













باسنيوز