وەزارەتی تەندروستیی عێراق روونکردنەوە لەبارەی تووشبوونی بریکاری وەزیری دارایی وڵاتەکەی، دەدات.

ئەمڕۆ شەممە 13-6-2020، وەزارەتی تەندروستیی عێراق لە بەیاننامەیەکدا، رایگەیاندووە، نووسراوێکی ساختە بە ناوی تاقیگەی گشتیی تایبەت بە پشکنینی کۆرۆنا بڵاو کراوەتەوە و تێیدا باس لەوە کراوە، کە تەیف سامی سەعیدی، بریکاری وەزیری دارایی عێراق تووشی پەتای کۆرۆنا بووە.

وەزارەتی تەندروستیی عێراق رەتی دەکاتەوە تەیف سامی سەعیدی تووشی پەتای کۆرۆنا بووبێ و هەڕەشەی کردووە و رایگەیاندووە، رێکاری یاسایی دژی ئەو کەسانە دەگرێتە بەر، کە نووسراوی ساختە بڵاو دەکەنەوە و ئاسایشی تەندروستی دەخەنە مەترسییەوە.











باسنيوز