راوێژکارێکی سەرۆکی ئەمریکا رایدەگەیەنێت، بە نەمانی رێکخراوی تیرۆریستی داعش لە عێراق، ئەمریکا هێزەکانی خۆی دەکشێنێتەوە لەو وڵاتە.

گابریێل سۆما، راوێژکاری دۆناڵد ترەمپی سەرۆکی ئەمریکا بە (سۆمەرییە نیوز)ی راگەیاندووە، مانەوەی هێزە ئەمریکییەکان لە عێراق کاتییە و ترەمپ دەیەوێ هەموو هێزەکانی وڵاتەکەی لە عێراق و سووریا بکێشێتەوە.

گابریێل سۆما هەروەها رایگەیاندووە، گومان دەکەن ژمارەی چەکدارانی داعش 10 هەزار چەکدار بێت، کە زۆرینەیان لە عێراقدان و هەر کاتێکیش داعش لە عێراق کۆتایی هات، ئەوا ئەمریکا هێزەکانی خۆی دەکێشێتەوە.

ئەو راوێژکارەی ترەمپ ئاماژەی بەوەش کردووە، کە ئێستا جگە لە داعش، هەژموونی گەورەی ئێرانیش هەڕەشەیە لەسەر ئاسایشی عێراق.





باسنیوز