چەکدارانی رێکخراوی تیرۆریستی داعش لە باشووری کەرکووک کاروانێکی سوپای عێراقییان بە گوللەهاوەن، کردە ئامانج.

لویس خدر، فایمقامی داقوق، راگەیاند، درەنگانی شەوی چوارشەممە 10-6-2020، کاروانێکی سوپای عێراق لە نزیک گوندی عەتشانەی سەر بە داقووق لە باشووری کەرکووک هاوەنباران کرا.

لویس خدر هەروەها رایگەیاند، کە بەهۆی هاوەنبارانەکەوە، سەربازێکی عێراقی کوژراوە و چوار سەربازی دیکەش بریندار بوون.

دوای خیانەتی 16ـی ئۆکتۆبەری 2017، میلیشیاکانی حەشدی شەعبی کەرکووک و هەموو ناوچە کوردستانییەکانی دەرەوەی ئیدارەی هەرێمی کوردستانیان داگیر کرد و بەهۆی ناکاراییشیان، چەکدارانی داعش لەو ناوچانە دەستیان بە جموجۆڵ و کردە تیرۆریستییەکان، کردووەتەوە.







باسنيوز