سەندیکای پزیشکانی عێراقی رایدەگەیەنێت، کە 324 پزیشکی عێراقی تووشی پەتای کۆرۆنا بوون.

ئەمڕۆ چوارشەممە 10-6-2020، سەندیکای پزیشکانی عێراقی لە بەیاننامەیەکدا، راگەیاندووە، لە سەرەتای سەرهەڵدانی پەتای کۆرۆناوە لە عێراق، تا ئێستا، 324 پزیشکی ئەو وڵاتە تووشی پەتاکە بوون.

سەندیکای پزیشکانی عێراقی هەروەها رایگەیاندوو، ئەو 324 پزیشکە لە شارەکانی عێراق (جگە لە هەرێمی کوردستان) تووشی پەتای کۆرۆنا بوون و زۆرینەشیان لە بەغدای پایتەختی وڵاتەکە، تووش بوون.

بەهۆی بەرزبوونەوەی زیاتری ژمارەی تووشبووانی پەتای کۆرۆنا لە عێراق، سەندیکای پزیشکانی عێراق پێشبینی کردووە ژمارەی پزیشکانی تووشبوو بە پەتاکە، بەرەو هەڵکشان بچێت.











باسنيوز