وەزارەتی تەندروستیی عێراق هۆڵەکانی پێشانگای نێودەوڵەتیی بەغدا بۆ تووشبووانی پەتای کۆرۆنا، ئامادە دەکات.

ئەمڕۆ چوارشەممە 10-6-2020، دکتۆر جاسب حیجامی، بەڕێوەبەری فەرمانگەی تەندروستیی کەرخ لە بەغدا، بە میدیاکانی وڵاتەکەی راگەیاندووە، فەرمانگەکەی پلانێکی گشتگیری بۆ کۆنترۆڵکردنی زۆریی ژمارەی تووشبووانی پەتای کۆرۆنا، داناوە.

جاسب حیجامی هەروەها رایگەیاندووە، دەستیان بە ئامادەکردن و دانانی 300 قەرەوێڵە لە هۆڵەکانی پێشانگای نێودەوڵەتیی بەغدا کردووە، بۆ لەخۆگرتنی تووشبووانی کۆرۆنا.

بەڕێوەبەری فەرمانگەی تەندروستیی کەرخ ئا،ماژەی بەوەش کردووە، کە ئەگەر هەیە لە رۆژانی داهاتوودا ژمارەی تووشبووانی کۆرۆنا لە بەغدا بەرز بێتەوە و نەخۆشخانەکان شوێنیان بۆ وەرگرتنی نەخۆشی زیاتر، نەمێنێت.




باسنیوز