مسته‌فا كازمی: هیچ رێگه‌یه‌كمان له‌به‌رده‌مدا نیه جگه له‌سه‌ركه‌وتن به‌سه‌ر قه‌یرانه‌كان
به‌گوێره‌ی راگه‌یه‌ندراوێكی سه‌رۆكایه‌تی ئه‌نجومه‌نی وه‌زیرانی عێراق، ئه‌مڕۆ كۆبونه‌وه‌ی ئاسایی ئه‌نجومه‌نی وه‌زیران به‌رێوه‌چوه و له‌میانه‌ی ئه‌و كۆبونه‌وه‌یه‌شدا، مسته‌فا كازمی رایگه‌یاندوه، "له رێگه‌ی ئه‌نجامدانی چاكسازیه‌وه، واقعێكی نوێ دروستده‌كه‌ین، كه كاریگه‌ری گۆڕانكاریه‌كانی به‌سه‌ره‌وه نه‌بێت، به‌جۆرێك قۆناغێكی نوێی چاكسازی ده‌ستپێده‌كه‌ین بۆ تێپه‌ڕاندنی عێراق و خستنه‌سه‌ر رێگای راست".
مستەفا كازمی ئاماژەی بەوەكردوە، داواكاریه‌كانی هاوڵاتیان ره‌چاو ده‌كه‌ین و هه‌ست به‌گیروگرفته‌كانیان ده‌كەین
ئاماژەی بەوەشکردوە، داواكاریه‌كانی هاوڵاتیان ره‌چاو ده‌كه‌ن و هه‌ست به‌گیروگرفته‌كانیان ده‌كه‌ن، كاریشده‌كه‌ن بۆ ئه‌وه‌ی به‌كه‌مترین زیان له‌م دۆخه ده‌ربازبن.
مسته‌فا كازمی ئەوەشی خستەڕو، "روبه‌ڕوی قۆناغێكی قورس و قه‌یراناویی بوینه‌ته‌وه، هیچ رێگه‌یه‌كیشمان نیه بۆ ده‌ربازبون له‌و قه‌یرانانه جگه له‌سه‌ركه‌وتن نه‌بێت".
خەندان
