پەرلەمانی عێراق بەرنامەی کاری کۆبوونەوەی داهاتووی خۆی بڵاو دەکاتەوە، کە تێیدا سێ تەوەر تاوتوێ دەکرێن.

بڕیارە کاتژمێر 1ـی دوای نیوەڕۆی رۆژی چوارشەممە 10-6-2020، پەرلەمانی عێراق کۆبوونەوەی ژمارەی 5ـی ئاسایی وەرزی یاسادانانی دووەمی ساڵی یاسادانانی دووەم لە خولی چوارەمی خۆی، ساز بکات.

لە کۆبوونەوەکەدا، تاوتوێی سێ پرۆژەیاسا و تەوەر دەکرێت، کە بریتین لە؛

- دەنگدان لەسەر پرۆژەیاسای قەرزی دەرەکی و ناوخۆیی بۆ پاڵپشتیکردنی کورتهێنانی بودجەی گشتیی عێراق بۆ ساڵی 2020.

- خوێندنەوەی یەکەم بۆ پرۆژەیاسای هەمواری دووەمی یاسای رێگا گشتییەکان.

- خستنەڕووی راپۆرتی لێژنەی کشتوکاڵ و ئاودێری و هۆرەکان لەبارەی بەبازاڕکردنی بەرهەمی گەنمی ئەمساڵ.

- گفتوگۆی گشتی




باسنيوز