وەزیری دەرەوەی شانشینی بەحرێن پیرۆزبایی لە وەزیری دەرەوەی عێراق، دەکات.

بەپێی هەواڵی میدیاکانی بەحرێن، شەوی شەممە 6-6-2020، عەبدوللەتیف بن راشد زیانی، وەزیری دەرەوەی بەحرێن بە تەلەفۆن پەیوەندی بە فوئاد حوسێن، جێگری سەرۆک وەزیران بۆ کاروباری دەرەوە و وەزیری دەرەوەی عێراق کردووە.

لە پەیوەندییە تەلەفۆنییەکەدا، عەبدوللەتیف بن راشد پیرۆزبایی هەڵبژاردنی وەک وەزیری دەرەوە لە فوئاد حوسێن کردووە و هیوای خواستووە لە سایەی وەزیری نوێی دەرەوەی عێراق، پەیوەندییەکانی مەنامە و بەغدا بەرەو باشتر بچن.

ئێوارەی رۆژی شەممە 6-6-2020، پەرلەمانی عێراق متمانەی بە فوئاد حوسێن، کاندیدی پارتی دیموکراتی کوردستان وەک جێگری سەرۆک وەزیران بۆ کاروباری دەرەوە و وەزیری دەرەوەی عێراق، بەخشی.

هەر لە کۆبوونەوەکەدا، پەرلەمانی عێراق متمانەی بە شەش وەزیری دیکەی حکوومەتی عێراق بەخشی، کە بریتین لە؛

- سالار عەبدولستار، وەزیری داد، کە کوردە و کاندیدی یەکێتیی نیشتمانیی کوردستان بوو

- ئیحسان عەبدولجەبار، وەزیری نەوت

- حەسەن نازم حەماد، وەزیری ڕۆشنبیری

- محەمەد کەریم جاسم، وەزیری کشتوکاڵ

- ئیڤان فایق یەعقووب، وەزیری کۆچ و کۆچبەران.

- عەلی عەلا ئەحمەد حوسێن، وەزیری بازرگانی