کێشەیه‌كی دیکە ھاتووەتە بەردەم جووتیاران ئەویش بوونی نیسکە لەناو گەنمی جووتیاران، لە سایلۆکانیش گەنمەکە وەرناگیرێت.

بەپێ زانیارییەکان، سایلۆی مەخموور بەھۆی بوونی نیسکێکی زۆر لە بەرھەمی گەنمی جووتیاران، وەرگرتنی گەنمێکی زۆری ڕاگرتووە و چاوەڕێ دەکات لە بەغداوە لێژنەیەک بێت چارەسەری ئەو کێشەیە بکات.

له‌مباره‌یه‌وه‌ محه‌مەد ئەمین فارس، ئەندامی لێژنەی کشتوکاڵ و سەرچاوەکانی ئاو له‌ په‌رله‌مانى عێراق، بە (باسنیوز)ی ڕاگەیاند: "لە سایلۆکان کێشەیەک ھاتووەتە بەردەم جووتیاران کە ئەویش بوونی نیسکە لەناو بەرھەمی گەنمی ئەمساڵ، بۆ ئەم مەبەستە ئەمڕۆ شه‌ممه‌ 6/6/2020 سەردانی وەزیری کشتوکاڵی عێراق بە وەکالەت دەکەین بۆ چارەسەری ئەو کێشەیە".

گوتیشی: "جگە لە کێشەی بوونی نیسک لەنێو گەنمەکە، داوا لە وەزیری کشتوکاڵیش دەکەین ڕێژەی وەرگرتنی گەنمی ئەمساڵی ھەرێمی کوردستان زیاد بکات".




باسنیوز